కొండగట్టులో కలకలం... ముక్కలు ముక్కలై పూర్తిగా కాలిన మృతదేహం

జగిత్యాల : శరీర భాగాలు ముక్కలు ముక్కలుగా... పూర్తిగా కాలినస్థితిలో మృతదేహం జగిత్యాల జిల్లాలో కలకలం రేపింది. కొండగట్టు సమీపంలో హైవే పక్కన పూర్తిగా కాలిపోయిన మృతదేహాన్ని గుర్తించిన స్థానికులు పోలీసులకు సమాచారం అందించారు. ఘటనాస్థలికి చేరుకుని కాలిన మృతదేహాన్ని పరిశీలించి క్లూస్ టీం, డాగ్ స్వాడ్ సహాయంతో ఆదారాలను సేకరిస్తున్నారు పోలీసులు. పూర్తిగా దహనమై ముక్కలు ముక్కలుగా పడివున్న శరీర భాగాలను తరలించారు. కేసు నమోదు చేసుకుని దర్యాప్తు చేపట్టినట్లు పోలీసులు తెలిపారు.