నిజామాబాద్ లో కల్వకుంట్ల కవిత ప్రత్యేక పూజలు... భర్తతో కలిసి నారసింహుడి దర్శనం

నిజామాబాద్ : తెలంగాణ ముఖ్యమంత్రి కేసీఆర్ కూతురు, అల్లుడు నిజామాబాద్ జిల్లా నందిపేట మండలం చౌడమ్మ కొండూరులో వెలిసిన శ్రీలక్ష్మీనరసింహస్వామిని దర్శించుకున్నారు. కుటుంబసభ్యులతో కలిసి ఆలయానికి చేరుకున్న ఎమ్మెల్సీ కవిత-అనిల్  దంపతులకు అర్చకులు సాదరస్వాగతం పలికారు. కవిత దంపతులు స్వామివారికి అభిషేకం, కుంకుమార్చన పూజలు నిర్వహించారు.అనంతరం ఆలయ ప్రాంగణంలో ఏర్పాటుచేసిన అన్నదాన కార్యక్రమాన్ని ప్రారంభించారు. ఇలా కవిత దంపతులు నరసింహస్వామి సన్నిధిలో చాలాసేపు గడిపారు. 

ఎమ్మెల్సీ కవిత కుటుంబసభ్యులతో పాటు నిజామాబాద్ మేయర్ నీతు కిరణ్, జడ్పీ ఛైర్మన్ దాదన్నగారి విఠల్ రావు, ఇతర బిఆర్ఎస్ నాయకులు లక్ష్మీనరసింహస్వామిని దర్శించుకున్నారు. చౌడమ్మ కొండూరు గ్రామస్తులు కూడా ఆలయం వద్దకు భారీగా చేరుకుని పూజా కార్యక్రమాలను తిలకించారు.