వాళ్లు ఓటేసినా కవితక్క గెలిచేది...: బిఆర్ఎస్ ఎమ్మెల్యే సంజయ్ ఆసక్తికర వ్యాఖ్యలు

 జగిత్యాల : ప్రతిపక్ష పార్టీల మాటలు నమ్మి ఎంపీ ఎన్నికల్లో కల్వకుంట్ల కవితను ఓడించారు... గెలిచిన ధర్మపురి అరవింద్ ఇప్పటివరకే మీకు ఏం చేసారో చెప్పండి? అని జగిత్యాల ఎమ్మెల్యే సంజయ్ కుమార్ ప్రజలను ప్రశ్నించారు. ఆయన ఏం చేసాడో చెబితే మళ్లీ మీ ముందుకు రాను... మీ ఓట్లు అడగను... అని అన్నారు. కవితక్క ప్రోత్సాహంతోనే రాజకీయాల్లోకి వచ్చానని... అలాంటిది ఆమే ఓడిపోవడం ఎంతో బాధించిందన్నారు. ఆసరా ఫించన్లు, కళ్యాణ లక్ష్మీ, షాది ముబారక్ ఇలా ప్రభుత్వ పథకాల లబ్దిదారులు, వారి కుటుంబాలు ఓటేసినా కవితక్క గెలిచేదన్నారు. 

జగిత్యాల నియోజకవర్గం రాయికల్ మండలం మైతపూర్ గ్రామంలో ''మీరు- నేను'' కార్యక్రమాన్ని చేపట్టారు ఎమ్మెల్యే సంజయ్ కుమార్. గ్రామంలో వివిధ పథకాల లబ్దిదారుల వివరాలను వెల్లడించిన సంజయ్... ఇంతచేసినా కవితక్క ఓడించారంటూ ఆసక్తికర వ్యాఖ్యలు చేసారు.