గ్రీన్ ఇండియా ఛాలెంజ్ ... మొక్క నాటిన బిగ్ బాస్ బ్యూటీ ఆరోహీ

హైదరాబాద్ : బిగ్ బాస్ బ్యూటీ ఆరోహీ రావ్ టీఆర్ఎస్ రాజ్యసభ సభ్యులు జోగినిపల్లి సంతోష్ చేపట్టిన గ్రీన్ ఇండియా ఛాలెంజ్ లో పాల్గొన్నారు. హైదరాబాద్ జూబ్లీహిల్స్ లోని ప్రశాసన్ నగర్ జిహెచ్ఎంసీ పార్క్ లో ఆరోహీ మొక్కలు నాటి మట్టి చేతిలతో ఫోటోలకు ఫోజిచ్చారు. ఈ క్రమంలోనే మై విలేజ్ షో అనిల్, నటుడు శాని, టివి9 సంధ్యకు మొక్కలు నాటాలని ఆరోహి ఛాలెంజ్ విసిరారు.

ఈ సందర్భంగా ఆరోహి మాట్లాడుతూ... బిగ్ బాస్6 హౌస్ నుండి బయటకు వచ్చిన వెంటనే ఇలా గ్రీన్ ఇండియా ఛాలెంజ్ లో మొక్క నాటడం చాలా ఆనందాన్నిస్తోందన్నారు. ఈ అవకాశం కల్పించిన ఎంపీ సంతోష్ కుమార్ కు ఆమె ప్రత్యేక కృతజ్ఞతలు తెలిపారు.