పాతబస్తీలో అభివృద్ది పనులు... పరిశీలించిన ఎంఐఎం అధినేత అసదుద్దిన్

హైదరాబాద్ : మజ్లీస్ పార్టీ అధినేత, ఎంపీ అసదుద్దిన్ ఓవైసి మంగళవారం తన పార్లమెంట్ నియోజకవర్గ పరిధిలో పర్యటించి ప్రజాసమస్యలు తెలుసుకున్నారు. రాష్ట్ర మున్సిపల్ అడ్మినిస్ట్రేషన్ మరియు అర్బన్ డెవలప్ మెంట్ స్పెషల్ చీఫ్ సెక్రటరీ అరవింద్ కుమార్, జిహెచ్ఎంసీ కమీషనర్ లోకేష్ కుమార్ తో పాటు ఎఐఎం నాయకులు, కార్యకర్తలతో కలిసి ఓవైసి రోడ్లు, నాలాల విస్తరణ పనులను పరిశీలించారు. అధికారులతో కలసి మీర్ ఆలం చెరువును కూడా ఎంపీ పరిశీలించారు. హైదరాబాద్ పార్లమెంట్ పరిధిలో జరుగుతున్న అభివృద్ది పనులను త్వరితగతిన పూర్తిచేయాలని ఎంపీ అసదుద్దిన్ అధికారులకు సూచించారు.