విశాఖలో ఐకాన్ స్టార్ అల్లు అర్జున్ సందడి... పుష్ఫరాజ్ లుక్ చూసి ప్యాన్స్ పూనకాలు

విశాఖపట్నం : స్టైలిష్ స్టార్ అల్లు అర్జున్ బీచ్ సిటీ విశాఖపట్నంలో సందడి చేసారు. ఇప్పటికే పాన్ ఇండియా స్థాయిలో 'పుష్ఫ' భారీ విజయాన్ని అందుకోగా 'పుష్ఫ-2' అదే స్థాయిలో తెరకెక్కుతోంది. ఈ పుష్ఫ-2 షూటింగ్ లో భాగంగానే హీరో అల్లు అర్జున్ విశాఖకు చేరుకున్నారు. ఇండోగో ప్లైట్ హైదరాబాద్ నుండి విశాఖ విమానాశ్రయానికి చేరుకున్న అల్లు అర్జున్ ను చూసేందుకు అభిమానులు ఎగబడ్డారు. విశాఖ పోలీసులు భారీ బందోబస్తుతో ఐకాన్ స్టార్ ను విమానాశ్రయం నుండి నగరంలోని నోవాటెల్ హోటల్ కు తరలించారు. హోటల్ వద్ద కూడా అల్లు అభిమానులు సందడిచేసారు. తమ అభిమాన నటుడితో సెల్ఫీలు దిగేందుకు ఎగబడ్డారు. అల్లు అర్జున్ కూడా ఎయిర్ పోర్ట్, హోటల్ వద్ద తనకోసం ఎదురుచూస్తున్న అభిమానులకు అబివాదం చేసారు. ''పుష్ఫ‌‌(ది రూల్)'' మూవీ షూటింగ్ పదిరోజుల పాటు విశాఖ పరిసరాల్లో జరగనుంది.