బాలయ్యకు జగన్ సర్కార్ షాక్... 'వీరసింహారెడ్డి' ప్రీ రిలీజ్ ఈవెంట్ కు నో పర్మిషన్

ఒంగోలు : నందమూరి బాలకృష్ణకు జగన్ సర్కార్ షాకిచ్చింది. ఈ సంక్రాంతికి బాలయ్య హీరోగా గోపీచంద్ మలినేని దర్శకత్వంలో తెరకెక్కిన పక్కా యాక్షన్ మూవీ 'వీరసింహారెడ్డి' ప్రీ రిలీజ్ ఈవెంట్ ను ఒంగోలులో నిర్వహించాలని మూవీ యూనిట్ భావించింది. రేపు(శుక్రవారం)  ఈ ప్రీ రిలీజ్ పంక్షన్ జరగాల్సి వుండగా ఏర్పాట్లు జోరుగా సాగుతున్నాయి. ఇలాంటి సమయంలో వీరసింహారెడ్డి యూనిట్ కు వైసిపి ప్రభుత్వం షాకిచ్చింది. ఒంగోలులో ఈ ప్రీ రిలీజ్ ఈవెంట్ జరిపేందుకు పోలీసులు అనుమతి నిరాకరించారు. ప్రస్తుతం ఏర్పాట్లు జరుగుతున్న ఒంగోలు పట్టణంలో కాకుండా ప్రత్యామ్నాయ ప్రాంతాల్లో ఈ పంక్షన్ జరుపుకోవాలని నిర్వహకులకు పోలీసులు సూచించారు.