తారకరత్న మరణం యావత్ సినీ ప్రపంచానికే షాక్..: యాక్టర్ నరేష్

హైదరాబాద్ : నందమూరి కుటుంబానికి చెందిన హీరో తారకరత్న మృతికి ప్రముఖ నటుడు నరేష్ నివాళి అర్పించారు. ఈ సందర్భంగా తారకరత్నతో తనకున్న అనుబంధాన్ని గుర్తుచేసుకున్నారు నరేష్. తనను అన్నయ్య అని పిలుస్తూ తారకరత్న ఎంతో ఆప్యాయంగా వుండేవాడని అన్నారు. ఆయన మృతి నందమూరి కుటుంబం, స్నేహితులనే కాదు యావత్ సినీ ప్రపంచాన్ని షాక్ కు గురిచేసిందని అన్నారు. ప్రస్తుతం తాను హైదరాబాద్ లేకపోవడం వల్ల తారకరత్న అంత్యక్రియకల్లో పాల్గొనలేకపోతున్నానని... వారి కుటుంబానికి తన ప్రగాఢ సానుభూతి తెలియజేస్తున్నట్లు నటుడు నరేష్ తెలిపారు.