డ్రైవర్ అవతారమెత్తిన మాజీ మంత్రి ... గుడివాడ రోడ్లపై బస్సు నడిపిన కొడాలి నాని

గుడివాడ : ఆయన మాజీ మంత్రి, అధికార పార్టీ ఎమ్మెల్యే. కానీ ప్రొఫెషనల్ డ్రైవర్ మాదిరిగా భారీ బస్సును నడిపి అందరినీ ఆశ్చర్యానికి గురిచేసారు. కృష్ణా జిల్లా గుడివాడ రోడ్లపై స్థానిక ఎమ్మెల్యే కొడాలి నాని బస్సును పరుగెత్తించారు. గుడివాడ ఆర్టిసి బస్టాండ్ లో ఐదు అద్దె బస్సులను ప్రారంభించిన నాని స్వయంగా ఓ బస్సును నడిపారు. ఇలా బస్సులో పట్టణంలోని ప్రధాన రహదారులపై చక్కర్లు కొట్టి తిరిగి బస్టాండ్ కు చేరుకున్నారు. మాజీ మంత్రి ఇంత చక్కగా హెవీ వెహికిల్ నడిపించడం చూసి వైసిపి నాయకులు, ఆర్టిసి అధికారులు ఆశ్చర్యానికి గురయ్యారు.