లోకేష్ పాదయాత్రే జగన్ సర్కార్ కు అంతిమయాత్ర..: యరపతినేని సంచలనం

పల్నాడు : నారా లోకేష్ పాదయాత్రే వైసిపి ప్రభుత్వానికి అంతిమ యాత్ర అవుతుందని టిడిపి మాజీ ఎమ్మెల్యే యరపతినేని శ్రీనివాసరావు హాట్ కామెంట్స్ చేసారు. పల్నాడు జిల్లా గురజాల నియోజకవర్గంలో టిడిపి చేపట్టిన ఇదేం ఖర్మ కార్యక్రమంలో యరపతినేని పాల్గొన్నారు. ఈ క్రమంలో ముఖ్యమంత్రి జగన్ పై యరపతినేని తీవ్రస్థాయిలో విరుచుకుపడ్డారు. జగన్ ని రాజకీయాల నుండి సమాజం నుండి వెలివేయాలని సూచించారు. ఆయన తాడేపల్లి వదలి బెంగుళూరు లేదా వేరే రాష్ట్రానికి పారిపోయే పరిస్థితి త్వరలోనే వస్తుందన్నారు. రాష్ట్రం బతికుండాలి... భవిష్యత్ బాగుండాలి అంటే జగన్ రెడ్డిని ఇంటికి పంపిచాల్సిందేనని... అయితేనే ప్రజాస్వామ్యం బ్రతుకుతుందని అన్నారు. వచ్చే ఎన్నికల్లో టిడిపికి 155 సీట్లు ఖాయమని యరపతినేని శ్రీనివాసరావు పేర్కొన్నారు.