డంపింగ్ యార్డుని మాగ్రామంలో పెట్టద్దు అని అశ్వరావుపాలెం గ్రామస్తుల నిరసన

అవనిగడ్డ గ్రామ పంచాయతీ లోని డంపింగ్ యార్డుని అశ్వరావుపాలెం గ్రామ సమీపంలోకి మార్చడాన్ని నిరసిస్తూ గ్రామస్తులు  ఆందోళన చేపట్టారు . మీ ఆస్తుల విలువ పెంచుకునేందుకు, మీ స్థలాల్లో కల్యాణ మండపాలు కట్టుకునేందుకు మా గ్రామాన్ని బలిపెడతారా అంటూ అవనిగడ్డ మండలం అశ్వారావుపాలెం గ్రామస్తులు ఆవేదన వ్యక్తం  చేశారు. అవనిగడ్డ లో డంపింగ్ యార్డు పక్కనే ఉన్న మంత్రి అంబటి రాంబాబు స్థలాలు, ఎమ్మెల్యే సింహాద్రి రమేష్ బాబు స్థలాలకు ధరలు పెంచుకోవడం కోసం మా గ్రామస్తుల ప్రాణాలను పణంగా పెడుతున్నారని అన్నారు.