కుప్పంలో టెన్షన్ టెన్షన్... టిడిపి శ్రేణులు, పోలీసులకు వాగ్వాదం, తోపులాట

చిత్తూరు : సొంత నియోజకవర్గం కుప్పంలో టిడిపి చీఫ్ చంద్రబాబు నాయుడు పర్యటన ఉద్రిక్తతకు దారితీస్తోంది. ఇటీవల కందుకూరు, గుంటూరులో చోటుచేసుకున్న దుర్ఘటనల నేపథ్యంలో రోడ్లపై ర్యాలీలు, సభలను అనుమతించకూడదని ప్రభుత్వం నిర్ణయించింది. ఈ క్రమంలో చంద్రబాబు కుప్పం పర్యటన నేపథ్యంలో రోడ్లపై టిడిపి శ్రేణులు గుమిగూడకుండా ఎక్కడిక్కడ పోలీసులు అడ్డకుంటున్నారు. శాంతిపురం మండలంలో పలుచోట్ల భారీగా మొహరించిన పోలీసులు, టిడిపి శ్రేణులకు మధ్య వాగ్వాదం చోటుచేసుకుంది. బారీకేడ్లను దాటుకుని ముందుకెళ్లేందుకు టిడిపి నాయకులు, కార్యకర్తలు ప్రయత్నిస్తున్నారు. ఈ క్రమంలోనే పోలీసులు, టిడిపి కార్యకర్తలకు మధ్య వాగ్వాదం, తోపులాట చోటుచేసుకుంది. ఇలా ప్రస్తుతం కుప్పంలో పరిస్థితి టెన్షన్ టెన్షన్ గా వుంది.