గొల్లపూడిలో తీవ్ర ఉద్రిక్తత... దేవినేని ఉమా హౌస్ అరెస్ట్

విజయవాడ : ఎన్టీఆర్ జిల్లా గొల్లపూడిలో తీవ్ర ఉద్రిక్తత చోటుచేసుకుంది. వివాదాస్పద స్థలంలోని టిడిపి కార్యాలయాన్ని ఖాళీ చేయించడానికి పోలీసులు యత్నించగా వారిని మాజీ మంత్రి దేవినేని ఉమామహేశ్వరరావు, టిడిపి కార్యకర్తలు అడ్డుకోవడంతో తీవ్ర ఉద్రిక్తత చోటుచేసుకుంది. ఈ గందరగోళం మద్యనే టిడిపి కార్యాలయానికి తాళం వేసిన రెవెన్యూ అధికారులు ఇవాళ భారీ పోలీస్ బలగాల పహారాలో కూల్చివేతలు చేపట్టారు. ఈ సమయంలో ఎలాంటి అవాంఛనీయ ఘటనలు జరక్కుండా దేవినేని ఉమాను హౌస్ అరెస్ట్ చేసారు. కూల్చివేస్తున్న టిడిపి కార్యాలయం వైపు ఎవ్వరినీ వెళ్లనివ్వకుండా పోలీసులు అన్ని మార్గాలను మూసేసి పహారా కాస్తున్నారు.