నారా లోకేష్ బర్త్ డే డే స్పెషల్... మంగళగిరి ప్రీమియర్ లీగ్ షురూ

మంగళగిరి : టిడిపి జాతీయ ప్రధాన కార్యదర్శి నారా లోకేష్ పుట్టినరోజు సందర్భంగా తెలుగు యువత ఆధ్వర్యంలో ''మంగళగిరి ప్రీమియర్ లీగ్''  ప్రారంభమయ్యింది. గుంటూరు జిల్లా మంగళగిరి పట్టణంలోని పీకే మైదానంలో జరిగిన మొదటి లీగ్ మ్యాచ్ ను టిడిపి నేత నందం అబద్దయ్య ప్రారంభించారు. పెనుమూలి సీసీ vs మహానాడు X1 జట్ల మధ్య మొదటి మ్యాచ్ జరిగింది. ఈనెల 23న నారా లోకేష్ జన్మదినోత్సవం రోజున ఫైనల్ మ్యాచ్ నిర్వహించి విజేతలకు బహుమతులు అందించనున్నట్లు ఎంపిఎల్ నిర్వహకులు వెల్లడించారు.