సోషల్ మీడియా వీడియో వివాదం... జర్నలిస్ట్ ఇంటిముందు టిడిపి మహిళా నేత ఆందోళన

తిరుపతి : అధికార వైసిపికి అనుకూలంగా వ్యవహరిస్తూ తనను దూషించిన ఓ జర్నలిస్ట్ ఇంటిముందు తిరుపతి పార్లమెంట్ మహిళా అధ్యక్షురాలు ఉష నిరసనకు దిగారు. ఇటీవల జరిగిన ఎమ్మెల్సీ ఎన్నికల్లో వైసిపి దొంగఓట్లు వేయించిందంటూ కొన్ని వీడియోలను తిరుపతి పార్లమెంట్ మహిళా అధ్యక్షురాలు ఉష సోషల్ మీడియాలో పోస్ట్ చేసింది. ఈ పోస్ట్ లపై స్పందింస్తూ శ్రీకాళహస్తికి చెందిన ఓ జర్నలిస్ట్ అసభ్యంగా దూషించాడని ఉష ఆరోపిస్తున్నారు. ఇలా తనను దూషించిన విలేకరి ఇంటిముందు కూర్చుని నిరసన చేపట్టిన టిడిపి మహిళా నాయకురాలు పోలీసులకు ఫిర్యాదు చేసింది.