ఎన్టీఆర్ కు విజయవాడ ఎంపీ కేశినేని ఘన నివాళి... పాలిటిక్స్ పై ఆసక్తికర వ్యాఖ్యలు

విజయవాడ : టిడిపి వ్యవస్థాపకులు, మాజీ ముఖ్యమంత్రి ఎన్టీఆర్ వర్థంతి సందర్భంగా మాచవరంలోని ఆయన విగ్రహానికి పూలమాల వేసి నివాళి అర్పించారు విజయవాడ ఎంపీ కేశినేని నాని. అభిమాన నాయకుడి వర్థంతి సందర్భంగా పేద మహిళలకు ఎంపీ చీరల పంపిణీ చేపట్టారు. పేదవాడి సంక్షేమం కోసమే అన్న రామారావు ఎనలేని కృషి చేసారని నాని అన్నారు. పేదవాళ్లకు కూడు, గూడు, గుడ్డ మరియు తెలుగువారి ఆత్మగౌరవమే అజెండాగా టిడిపిని స్థాపించారని అన్నారు. ఆయన గొప్ప ఆశయాలను చంద్రబాబు నాయుడు కూడా అనుసరిస్తున్నారని తెలిపారు. ఇక టిడిపి పార్టీలో లుకలుకల గురించి కేశినేని నానిని ప్రశ్నించగా ఆసక్తికర వ్యాఖ్యలు చేసారు. ఎన్టీఆర్ వర్ధంతి రోజులు దీని గురించి ఏ మాట్లాడబోనని... కానీ ఇప్పటికే చాలా విషయాలు మాట్లాడానని అన్నారు.  పార్టీలో లుకలుకల మాట్లాడేందుకు ఇది సందర్భం కాదని... .త్వరలోనే చాలా విషయాల గురించి మాట్లాడతానని కేశినేని నాని ప్రకటించారు.