బెజవాడ లో విచిత్రమైన దొంగలు...ఒక బండి స్థానంలో మరో బండి...

ఎన్.టీ.ఆర్ జిల్లా : బెజవాడ లో విచిత్రమైన దొంగతనం జరిగింది. ఓ బండిని దొంగిలించి ఆ స్థానంలో మరో బండిని పెట్టి వెళ్లారు దొంగలు. వివరాల్లోకి వెడితే.. ప్రసాదంపాడు గ్రామంలోని చిలక లావణ్య కుమార్ కు చెందిన AP 37 BY 6520 నెం. బైకు పార్కింగ్ లో పెట్టాడు. రాత్రి హైవేపై ఇద్దరు గుర్తు తెలియని వ్యక్తులు రెండు వేర్వేరు బైకులపై మాస్క్ ధరించి వచ్చి, పార్కింగ్ లో ఉన్న గ్లామర్ బండిని దొంగిలించి తనతొ పాటుగా తెచ్చిన మరొ గ్లామర్ బండిని పార్కింగ్ లో పెట్టి వెళ్ళి పోయారు. ఈ సంఘటణ అక్కడున్న సి.సి కెమెరాలో రికార్డు అవ్వటంతో ఆ వీడియోల ఆధారంగా విజయవాడ పటమట పోలీసులకు ఫిర్యాదు చేశారు. తన బండి స్థానంలో పెట్టిన మరొక బండిని పటమట పోలీసు స్టేషన్ లో అప్పగించారు. అయితే, ప్రభుత్వ నిభంధనల ప్రకారం తన ఫిర్యాదును స్వీకరించినట్లుగా  ఎటువంటి రశీదును పోలీసులు తనకు ఇవ్వలేదని లావణ్య కుమార్ తెలిపారు.