వీరమ్మతల్లి తిరునాళ్లలో పోలీసుల ఓవరాక్షన్... రక్తాలు కారేలా చిరు వ్యాపారులకు లాఠీ దెబ్బలు

విజయవాడ : కృష్ణా జిల్లా ఉయ్యూరు వీరమ్మ తల్లి తిరునాళ్లలో చిరు వ్యాపారులపై పోలీసులు జులుం ప్రదర్శించారు. ట్రాఫిక్ కు అంతరాయం కలిగిస్తున్నారంటూ తోపుడుబండ్లపై వ్యాపారాలు నిర్వహించే చిరువ్యాపారులను రక్తాలు కారేలా, చేతులు వాచేలా చితకబాదారు. నిజంగానే ట్రాఫిక్ అంతరాయం కలిగించినా మాటలతో చెబితే పోయేదానికి ఇలా లాఠీలకు పనిచెప్పారు. కంకిపాడు సీఐతో పాటు ఇతర పోలీస్ సిబ్బంది చిరు వ్యాపారులపై విచక్షణారహితంగా దాడి చేసారు. గాయపడిన వారిని కనీసం హాస్పిటల్ కు కూడా తరలించకుండా ఎవరెలా చస్తే మాకేంటి అన్నట్లుగా పోలీసులు వ్యవహరించారు. దైవ సన్నిధిలో వ్యాపారం చేసుకునేందుకు ఎక్కడెక్కడి నుండో వచ్చిన చిరువ్యాపారులు పోలీసుల ఓవరాక్షన్ తో భయంభయంగానే వ్యాపారం చేసుకున్నారు.