కైకాల సత్యనారాయణ నిలువెత్తు ప్లెక్సీ... మోపిదేవి ప్రజల వీరాభిమానం

విజయవాడ : ఇటీవల మృతిచెందిన ప్రముఖ సినీనటుడు కైకాల సత్యనారాయణకు కృష్ణా జిల్లా మోపిదేవి గ్రామస్తులు ఘననివాళి అర్పించారు. గ్రామంలోని ప్రధాన కూడలిలో కైకాల నిలువెత్తు ప్లెక్సీని ఏర్పాటుచేసి ఆయనపై అభిమానాన్ని చాటుకున్నారు మోపిదేవి ప్రజలు. కైకాల ఫోటోకు పూలు సమర్పించి నివాళి అర్పించి ఆయన పేరిట అల్పాహారం ఏర్పాటుచేసారు. విలక్షణ నటనతోనే కాదు రాజకీయ నాయకుడిని ప్రజలకు దగ్గరైన కైకాల మృతి తెలుగు ప్రజలకు తీరనిలోటని మోపిదేవి గ్రామస్తులు పేర్కొన్నారు.