నేటి నుండే శ్రీకాళహస్తి బ్రహ్మోత్సవాలు... జగన్ ఆహ్వానించిన ఎమ్మెల్యే, అర్చకులు...

అమరావతి : ఆంధ్ర ప్రదేశ్ లోని ప్రముఖ శైవ క్షేత్రం శ్రీకాళహస్తిలో మహాశివరాత్రి వేడుకలు ఘనంగా జరగనున్నాయి. శ్రీకాళహస్తీశ్వర స్వామికి ప్రత్యేక పూజలతో పాటు బ్రహ్మోత్సవాలను అంగరంగ వైభవంగా నిర్వహించనున్నారు. ఈ బ్రహ్మోత్సవాలకు ముఖ్యమంత్రి వైఎస్ జగన్మోహన్ రెడ్డిని ఆహ్వానించారు శ్రీకాళహస్తి ఎమ్మెల్యే మధుసూదన్ రెడ్డి. ఇవాళ్టి(13వ తేదీ సోమవారం) నుండి ఈ నెల 21వ తేదీ వరకు శ్రీకాళహస్తి బ్రహ్మోత్సవాలు జరగనున్నాయి. 

శ్రీకాళహస్తి ఆలయ బోర్డ్ ఛైర్మన్ తారక శ్రీనివాసులు, ఈవో సాగర్ బాబుతో పాటు అర్చకులతో కలిసి సీఎం జగన్ ను కలిసారు ఎమ్మెల్యే. ఈ సందర్భంగా నాయకులు జగన్ ను శాలువాతో సత్కరించగా... అర్చకులు వేదాశీర్వచనం అందించి స్వామివారి తీర్థప్రసాదాలు అందించారు.