విజయవాడలో అందాలతారలు రోజా, అనుపమ పరమేశ్వరన్ సందడి...

విజయవాడ : ఎన్టీఆర్ జిల్లా విజయవాడలో మంత్రి ఆర్కే రోజా, అందాల నటి అనుపమ పరమేశ్వరన్ సందడి చేసారు. విజయవాడలోని  బందరు రోడ్డులో బిఎన్ఆర్  గోల్డ్ ఆండ్ డైమండ్ జువెల్లరీ షోరూంను నూతనంగా ఏర్పాటుచేసారు. ఈ షోరూంను ఇవాళ(బుధవారం) రోజా, అనుపమ ప్రారంభించారు. 

ఈ సందర్భంగా మంత్రి రోజా మాట్లాడుతూ... బిఎన్ఆర్ షోరూంలో ఎక్కడా లభించని కలెక్షన్లు లభిస్తాయని అన్నారు. అందరి అభిరుచి తగ్గట్టుగా అన్ని రకాల సైజులలో నగలు ఈ షో రూమ్ లో ఉన్నాయన్నారు. ఇలాంటి షోరూం విజయవాడలో పెట్టడం అభినందనీయమని అన్నారు. ఇకపై విజయవాడ మహిళలు ఆభరణాల కోసం హైదరాబాద్, బెంగళూరుకు వెళ్లాల్సిన అవసరం లేదని.... విజయవాడలోనే ఇక అన్నీ దొరుకుతాయని మంత్రి రోజా పేర్కొన్నారు.