'ఛలో కావలి' టెన్షన్... పట్టణంలో భారీగా పోలీసుల మొహరింపు

నెల్లూరు : వైసిపి పాలనలో ఎస్సీలకు రక్షణలేకుండా పోయిందని... వారిపై జరుగుతున్న అరాచకాలకు నిరసనగా నెల్లూరు జిల్లా కావలిలో టిడిపి ఎస్సీ విభాగం నేడు(మంగళవారం) ఆందోళనలకు సిద్దమయ్యింది. ముందుగానే దళిత నాయకులు 'ఛలో కావలి'పై ప్రకటన చేయడంతో పోలీసులు అప్రమత్తమయ్యారు. కావలి బ్రిడ్జ్ సెంటర్ లో భారీగా పోలీసులను మొహరించి ఆందోళనకారులను అడ్డుకునేందుకు చర్యలు తీసుకున్నారు. పోలీసుల మొహరింపుతో కావలిలో టెన్షన్ వాతావరణం నెలకొంది.