మాజీ హోంమంత్రి మేకతోటి సుచరితకు చేదు అనుభవం

గుంటూరు : గడపగడపకు మన ప్రభుత్వం కార్యక్రమంలో భాగంగా ప్రజల్లోకి వెళుతున్న కొందరు వైసిపి ఎమ్మెల్యేలకు చేదు అనుభవాలు ఎదురవుతున్నాయి.ఇలా ఇప్పటికే పలువురు మంత్రులు, ఎమ్మెల్యేలు ప్రజల్లోక వెళ్లి భంగపడగా తాజాగా మాజీ హోంమంత్రి మేకతోటి సుచరితకు అలాంటి అనుభవమే ఎదురయ్యింది. తనకు ఫించన్ రావడంలేదంటూ సొంత నియోజకవర్గంలో గడపగడపకు కార్యక్రమానికి వెళ్లిన సుచరితకు ఓ మహిళ తెలిపింది.దీంతో ఎమ్మెల్యే అక్కడే వున్న అధికారులను అడగ్గా వారే ఏదో సమాధానం చెప్పారు.దీంతో తీవ్ర అసహనం వ్యక్తం చేస్తూ ఇక్కడినుండి వెళ్లిపోవాలంటూ మహిళ తరపు వ్యక్తి ఆగ్రహం వ్యక్తం చేసారు. దీంతో అతడిని వైసిపి నాయకులు సర్దిచెప్పే ప్రయత్నం చేసారు.