హీటెక్కిన ఏపీ పాలిటిక్స్... హైదరాబాద్ లో చంద్రబాబు, పవన్ భేటీ

హైదరాబాద్ వేదికగా జరుగుతున్న పరిణామాలు ఏపీ రాజకీయాలను వేడెక్కిస్తున్నాయి. రోడ్లపై సభలు, సమావేశాలతో పాటు రోడ్ షోలపై జగన్ సర్కార్ ఆంక్షలు విధింపు నేపథ్యంలో చంద్రబాబు చేపట్టిన ఇదేం ఖర్మ కార్యక్రమం, నారా లోకేష్ యువగళం పాదయాత్ర, పవన్ కల్యాణ్ వారాహి యాత్రపై సంధిగ్ధం నెలకొంది. ఈ క్రమంలో జనసేనాని పవన్ హైదరాబాద్ లోని టిడిపి చీఫ్ చంద్రబాబు నివాసానికి వెళ్లి భేటీకావడం ప్రాధాన్యత సంతరించుకుంది. టిడిపి, జనసేన పొత్తు వుంటుందన్న ప్రచారం నేపథ్యంలో వీరిద్దరి భేటీతో దీనిపై క్లారిటీ వచ్చే అవకాశాలున్నాయి. జగన్ ను గద్దె దించాలన్నదే అటు టిడిపి, ఇటు జనసేన లక్ష్యం... కాబట్టి రెండు పార్టీలు కలిసి ఉమ్మడిగా పోరాటాలకు పిలుపునిచ్చే అవకాశాలున్నట్లు తెలుస్తోంది. ఏదేమైనా చంద్రబాబు, పవన్ భేటీ ప్రస్తుతం తెలుగు రాజకీయాల్లో హాట్ టాపిక్ గా మారింది.