గన్నవరం ఏమైనా పాకిస్తాన్ లో ఉందా..? : చంద్రబాబు

గన్నవరంలో భయంకరమైన వాతావరణం క్రియేట్ చేశారని,  ప్రజల్లో భయాన్ని సృష్టించారని, కార్లు, స్కూటర్లు డామేజ్ చేయడమే కాకుండా  పార్టీ కార్యాలయంలో ఫర్నిచర్ ధ్వంసం చేశారని గన్నవరం ఘటన పై చంద్రబాబు ఆవేదన వ్యక్తం చేసారు. పక్కనే ఎయిర్ పోర్టుతో హై సెక్యూర్టీ జోన్  లో ఉన్న గన్నవరంలో  విధ్వంసం సృష్టించారని చంద్రబాబు పేర్కొన్నారు. ఎందరో మహానుభావులు చరిత్ర సృష్టించిన ప్రాంతం గన్నవరం అని, అలాంటి గన్నవరంలో రౌడీయిజం చేస్తున్నారని,  పోలీసులతో తప్పుడు పనులు చేయిస్తున్నారని చంద్రబాబు ఈ సందర్భంగా ఆగ్రహం వ్యక్తం చేసారు. జగన్ చెప్పినట్టు చేసే పోలీసులు ఇబ్బందులు పడడం ఖాయమని,  టీడీపీ కార్యకర్తలు భయపడరని, ధైర్యముంటే పోలీసులను పక్కన పెట్టి ముహూర్తం పెట్టండి అని చంద్రబాబు ఈ సందర్భంగా సవాల్ విసిరారు.