Earth's 8th 'continent: 'జిలాండియా' భూమిపై ఉన్న 8వ ఖండం. దాదాపు 375 ఏండ్ల త‌ర్వాత శాస్త్ర‌వేత్త‌లు దీనిని క‌నుగొన్నారు. దీని గురించి ప‌రిశోధ‌కులు వివ‌రిస్తూ.. ''సుమారు 83 మిలియన్ సంవత్సరాల క్రితం, భౌగోళిక శక్తులు సూపర్ ఖండం గోండ్వానా విచ్ఛిన్నం కావడానికి కారణమయ్యాయి. దీంతో నేడు ఉన్న ఏడు ఖండాలు ఏర్పడటానికి దారితీసింది. ఇదే ప్రక్రియ జిలాండియా సృష్టికి దోహదం చేసింది. దీనిలో 94% ప్రస్తుతం మునిగిపోయింది, కేవలం 6% మాత్రమే న్యూజిలాండ్, దాని సమీప ద్వీపాలను కలిగి ఉందని'' తెలిపారు.