Rajanagaram assembly elections result 2024  live : తూర్పు గోదావరి జిల్లాలోని రాజానగరం నియోజకవర్గ ఎమ్మెల్యేగా జక్కంపూడి రాజా కొనసాగుతున్నారు. వరుసగా రెండుసార్లు (2009, 2014) ప్రాతినిధ్యం వహించిన పెందుర్తి వెంకటేష్ ను ఓడించారు జక్కంపూడి. ఇలా వైసిపి, టిడిపి నువ్వా నేనా అన్నట్లున్న రాజానగరం రాజకీయాల్లోకి జనసేన ఎంటర్ అయ్యింది. పొత్తులో భాగంగా ఈసారి రాజానగరం  బరిలో జనసేన నిలిచింది. 

Kakinada City assembly elections result 2024  live : ఆంధ్ర ప్రదేశ్ అసెంబ్లీ ఎన్నికల్లో వైసిపి ఒక్కటి ఒకవైపు... టిడిపి, జనసేన, బిజెపి కూటమి మరోవైపు నిలిచాయి. దీంతో రాష్ట్ర రాజకీయాలు మరింత రసవత్తరంగా మారాయి. ఇలా పోర్ట్ సిటీ కాకినాడలో కూడా హాట్ హాట్ రాజకీయాలు సాగుతున్నాయి. దీంతొ కాకినాడ ఫలితంపై ఉత్కంఠ నెలకొంది. 

Ponnur assembly elections result 2024:  గుంటూరు జిల్లాలోని పొన్నూరు నియోజకవర్గం టిడిపికి కంచుకోట. టిడిపి ఏర్పాటు నుండి గత అసెంబ్లీ ఎన్నికల వరకు ఇక్కడ తెలుగు దేశం పార్టీదే గెలుపు... మధ్యలో ఓసారి కాంగ్రెస్, గత అసెంబ్లీ ఎన్నికల్లో  వైసిపి విజయం సాధించింది.  

kurnool Assembly elections result 2024 live : ఉమ్మడి ఆంధ్రప్రదేశ్‌కు దళిత ముఖ్యమంత్రిగా సేవలందించిన దామోదరం సంజీవయ్య ఇక్కడి నుంచి గెలిచిన తొలి ఎమ్మెల్యే . కర్నూలులో కాంగ్రెస్ పార్టీ 7 సార్లు, టీడీపీ రెండు సార్లు, సీపీఎం రెండు సార్లు, వైసీపీ రెండు సార్లు , స్వతంత్రులు ఒకసారి విజయం సాధించారు. 1952లో నియోజకవర్గం ఏర్పడిన నాటి నుంచి కర్నూలు అన్ని పార్టీలను, అన్ని వర్గాలను ఆదరించింది. కర్నూలు అసెంబ్లీ నియోజకవర్గంలో రెడ్లు , ముస్లిం మైనారిటీలు, బలిజ, దళిత వర్గాల ప్రాబల్యం అధికం. మాజీ ఐఏఎస్ ఇంతియాజ్ వైసీపీలో చేరిన వెంటనే ఆయనను కర్నూలు అభ్యర్ధిగా ప్రకటించారు. టీడీపీ విషయానికి వస్తే.. ఆ పార్టీ కర్నూలులో గెలిచి దాదాపు 25 ఏళ్లు కావొస్తోంది. 

Adoni Assembly elections result 2024 live : భౌగోళికంగా, జనాభాపరంగా ఆదోనీని ప్రత్యేక జిల్లాగా ఏర్పాటు చేయాలనే డిమాండ్ దశాబ్థాలుగా వుంది. ఇక్కడి ప్రజలు ఈ పట్ణణాన్ని రెండో ముంబైగా పిలుచుకుంటారు. కన్నడ రాజకీయాలు కూడా ఈ ప్రాంతంపై ప్రభావం చూపుతాయి. 1952లో ఏర్పడిన ఈ నియోజకవర్గంలో మొత్తం ఓటర్ల సంఖ్య 2,57,640 మంది. కాంగ్రెస్ పార్టీ 6 సార్లు, టీడీపీ నాలుగు సార్లు, వైసీపీ రెండు సార్లు, ఇతరులు మూడు సార్లు విజయం సాధించారు. మీనాక్షి నాయుడు టీడీపీ నుంచి, వై సాయిప్రసాద్ రెడ్డి వైసీపీ నుంచి మూడేసి సార్లు గెలిచారు.  ఆదోనీ నుంచి నాలుగోసారి కూడా సాయిప్రసాద్ రెడ్డే నిలబడ్డారు. చంద్రబాబు మీనాక్షీ నాయుడును పార్టీ అభ్యర్ధిగా నిలబెట్టారు.

Yemmiganur Assembly elections result 2024 live : ఉమ్మడి ఆంధ్రప్రదేశ్ మాజీ ముఖ్యమంత్రులు దామోదరం సంజీవయ్య , కోట్ల విజయభాస్కర్ రెడ్డి వంటి ఉద్ధండులు ఎమ్మిగనూరు నుంచి ప్రాతినిథ్యం వహించారు. ఓ వైపు ఫ్యాక్షనిజం, మరోవైపు శాంతంగా వుండే ప్రజలు ఎమ్మిగనూరును ప్రత్యేకంగా నిలబెడుతున్నారు. కాంగ్రెస్, టీడీపీలు ఎమ్మిగనూరు రాజకీయాలను శాసించాయి. 1955లో నియోజకవర్గం ఏర్పడిన నాటి నుంచి కాంగ్రెస్ పార్టీ 7 సార్లు, టీడీపీ 5 సార్లు , వైసీపీ రెండు సార్లు, ఇతరులు ఒకసారి విజయం సాధించారు.  చెన్నకేశవరెడ్డికి బదులు మాజీ ఎంపీ , బీసీ సామాజిక వర్గానికి చెందిన బుట్టా రేణుకను ఎమ్మిగనూరు వైసీపీ అభ్యర్ధిగా నిలిపారు జగన్. గత ఎన్నికల్లో ఓటమి పాలైన బీవీ మోహన్ రెడ్డి కుమారుడు బీవీ జయనాగేశ్వర రెడ్డికి చంద్రబాబు టికెట్ ఇచ్చారు.

Alur Assembly elections result 2024 live : ఆలూరు సెగ్మెంట్‌లోని కొన్ని ప్రాంతాల్లో కొన్నేళ్ల క్రితం ఫ్యాక్షన్ రాజకీయాలు నడిచాయి. ఇప్పుడిప్పుడే పరిస్ధితుల్లో మార్పులు వస్తున్నాయి.  1955లో ఏర్పడిన ఈ నియోజకవర్గంలో మొత్తం ఓటర్ల సంఖ్య 2,36,098 మంది. నియోజకవర్గం ఏర్పడిన నాటి నుంచి కాంగ్రెస్ పార్టీదే ఇక్కడ హవా. మధ్యలో టీడీపీ గెలిచినా హస్తం పార్టీకి ఎదురులేకుండా పోయింది. కాంగ్రెస్ పార్టీ ఆలూరులో 9 సార్లు, టీడీపీ మూడు సార్లు, వైసీపీ రెండు సార్లు, ఇతరులు ఒకసారి విజయం సాధించారు. ఓ మూలకి విసిరేసినట్లు, కర్ణాటక సరిహద్దులను ఆనుకుని వుండే ఈ నియోజకవర్గం విభిన్న ఆచార వ్యవహారాలకు కేంద్రం.  బోయ , రెడ్డి సామాజికవర్గాలదే ఆలూరులో ఆధిపత్యం. ఆలూరు వైసీపీ అభ్యర్ధిగా విరూపాక్షిని ప్రకటించారు జగన్. తెలుగుదేశం పార్టీ విషయానికి వస్తే.. టీడీపీ ఆలూరులో గెలిచి దాదాపు 30 ఏళ్లు కావొస్తోంది. 

Kodumur Assembly elections result 2024 live : కోడుమూరు తొలి నుంచి కాంగ్రెస్‌కు కంచుకోట. ఎస్సీ వర్గానికి ఈ నియోజకవర్గాన్ని రిజర్వ్ చేశారు.  ఉమ్మడి ఆంధ్రప్రదేశ్‌కు తొలి దళిత సీఎంగా పనిచేసిన దామోదరం సంజీవయ్య ఈ నియోజకవర్గం నుంచే అసెంబ్లీకి ప్రాతినిథ్యం వహించారు. మాజీ సీఎం కోట్ల విజయభాస్కర్ రెడ్డి స్వగ్రామం లద్దగిరి కూడా ఈ నియోజకవర్గంలోనే వుంది. 1962లో నియోజకవర్గం ఏర్పడిన నాటి నుంచి కాంగ్రెస్ పార్టీ 9 సార్లు, వైసీపీ రెండు సార్లు, టీడీపీ, స్వతంత్ర పార్టీ ఒక్కోసారి విజయం సాధించాయి. కోడుమూరులో మరోసారి గెలిచి హ్యాట్రిక్ సాధించాలని వైసీపీ అధినేత వైఎస్ జగన్ పావులు కదుపుతున్నారు. సిట్టింగ్ ఎమ్మెల్యే సుధాకర్‌ను కాదని.. డాక్టర్ ఆదిమూలపు సతీష్‌ను బరిలో దించారు.  కోడుమూరులో ఈసారి జెండా పాతాలని చంద్రబాబు భావిస్తున్నారు. పార్టీ తరపున బొగ్గుల దస్తగిరిన బరిలో దించారు.

Nellore City assembly elections result 2024 live : ఆంధ్ర ప్రదేశ్ లోని మరో అర్భన్ అసెంబ్లీ నియోజకవర్గం నెల్లూరు. నెల్లూరు మున్సిపల్ కార్పోరేషన్ ఈ నియోజకవర్గ పరిధిలోని వస్తుంది. ప్రస్తుతం నెల్లూరు అర్భన్ ఎమ్మెల్యేగా అనిల్ కుమార్ యాదవ్ కొనసాగుతున్నారు. ఈ నియోజవర్గ పరిధిలో ముస్లిం ఓటర్లు అధికంగా వుండటంతో ఈసారి మైనారిటీ నేతను బరిలోకి దింపింది వైసిపి. మరి నెల్లూరు ఓటర్ల తీర్పు ఎలా వుంటుందో చూడాలి.  

Nellore Rural assembly elections result 2024 live: ఆంధ్ర ప్రదేశ్ లోని మరో అసెంబ్లీ నియోజకవర్గం నెల్లూరు రూరల్. ప్రస్తుతం ఈ నియోజవర్గ ఎమ్మెల్యేగా కోటంరెడ్డి శ్రీధర్ రెడ్డి కొనసాగుతున్నారు. అయితే 2004, 2019 అసెంబ్లీ ఎన్నికల్లో వరుసగా గెలుస్తేవస్తున్న కోటంరెడ్డి ఇటీవల టిడిపిలో చేరారు. అంటే ఇప్పటివరకు టిడిపి ఓడించిన వ్యక్తే ఈసారి టిడిపి అభ్యర్థి అయ్యాడన్నమాట. ఇలా నెల్లూరు రూరల్ లో రాజకీయ సమీకరణలు మారడంతో ఫలితంపై ఆసక్తి నెలకొంది.