Heavy rainfall: హైదరాబాద్‌తో పాటు తెలంగాణలోని ఇతర జిల్లాల్లో శుక్రవారం వరకు వర్షాలు కురిసే అవకాశం ఉంది. కొన్ని చోట్ల భారీ నుంచి అతిభారీ వర్షాలు కూడా పడవచ్చున‌ని భార‌త వాతావ‌ర‌ణ శాఖ వెల్ల‌డించింది.   

Hyderabad rainfall: రుతుప‌వ‌నాల ప్ర‌భావంతో దేశంలోని ప‌లు చోట్ల మోస్తారు నుంచి భారీ వ‌ర్షాలు కురుస్తున్నాయి. ఇప్ప‌టికే అనేక ప్రాంతాల్లో కురిసిన భారీ వ‌ర్షాల‌తో ప‌రిస్థితులు దారుణంగా మారాయి. ముంపుప్రాంతాల్లో ఇంకా స‌హాయ‌క చ‌ర్య‌లు కొన‌సాగుతున్నాయి. తెలంగాణ‌లోనూ భారీ వ‌ర్షాలు పడుతున్నాయి. రాష్ట్ర రాజ‌ధాని హైద‌రాబాద్ లో మ‌రో నాలుగు రోజుల పాటు వ‌ర్షాలు కురుస్తాయ‌ని భార‌త వాతార‌ణ శాఖ (ఐఎండీ) వెల్ల‌డించింది. హైదరాబాద్‌తో పాటు తెలంగాణలోని ఇతర జిల్లాల్లో కూడా శుక్రవారం వరకు వర్షాలు కురిసే అవకాశం ఉంది. కొన్ని చోట్ల భారీ నుంచి అతిభారీ వర్షాలు కూడా పడవచ్చున‌ని భార‌త వాతావ‌ర‌ణ శాఖ తెలిపింది. న‌గ‌రంలో జూలై 22 వరకు వర్షాలు కురుస్తాయని ఐఎండీ అంచనా వేసింది. రానున్న నాలుగు రోజుల పాటు నగరంలో తేలికపాటి నుంచి మోస్తరు వర్షాలు కురిసే అవకాశం ఉందని తెలిపింది.

అన్ని జిల్లాల్లో సాధారణం కంటే ఎక్కువ వర్షపాతం నమోదవుతుంద‌ని తెలిపింది. తెలంగాణ స్టేట్ డెవలప్‌మెంట్ ప్లానింగ్ సొసైటీ (TSDPS) ప్రకారం జూన్ 1 నుండి జూలై 15 వరకు తెలంగాణలోని అన్ని జిల్లాల్లో సాధారణం కంటే ఎక్కువ వర్షపాతం నమోదైందని తెలిపింది. నిజామాబాద్ జిల్లా సాధారణ వర్షపాతం 287.9 ​​మిల్లీమీటర్లతో పోలిస్తే 877 మిల్లీమీటర్ల వర్షపాతం నమోదు కావడంతో అత్యధికంగా అంటే 205 శాతం నమోదైంది. జోగులాంబ గద్వాల్ జిల్లా మినహా మిగిలిన అన్ని జిల్లాల్లో ఈ కాలంలో అధికంగా వర్షపాతం నమోదైంది. జోగుళాంబ గద్వాల్‌లోనూ సాధారణ వర్షపాతం కంటే 41 శాతం తగ్గుదల నమోదైంది. ఇదిలావుండగా, జూలై 21 వరకు తెలంగాణలో చాలా చోట్ల తేలికపాటి నుండి మోస్తరు వర్షాలు కురుస్తాయని తెలంగాణ స్టేట్ డెవలప్‌మెంట్ ప్లానింగ్ సొసైటీ (TSDPS) అంచనా వేసింది. అలాగే రాష్ట్రంలో గరిష్ట, కనిష్ట ఉష్ణోగ్రతలు 30-33 డిగ్రీల పరిధిలో నమోదయ్యే అవకాశం ఉందని అంచనా వేసింది. 

ఇదిలావుండ‌గా, మహారాష్ట్రలోని అమరావతి జిల్లాలో భారీ వ‌ర్షాల‌తో మంగళవారం ఉదయం ఇల్లు కూలిపోవడంతో ఒక మహిళ, ఆమె ఏడేళ్ల కుమార్తె మృతి చెందగా, మరో ముగ్గురు కుటుంబ సభ్యులు గాయపడ్డారని సీనియర్ అధికారి ఒకరు తెలిపారు. ఈ సంఘటన నాగ్‌పూర్‌కు 150 కిలోమీటర్ల దూరంలో ఉన్న జిల్లాలోని చందూర్ బజార్ తాలూకాలోని ఫుబ్‌గావ్ గ్రామంలో ఉదయం 6 గంటలకు జరిగింది. అమరావతిలో గత కొన్ని రోజులుగా భారీ వర్షాలు కురుస్తున్నాయి. ఇల్లు కూలిపోయే సమయంలో ఇంట్లో ఐదుగురు కుటుంబ సభ్యులు ఉన్నారని, వారు శిథిలాల కింద చిక్కుకుపోయారని అమరావతి రెసిడెంట్ జిల్లా కలెక్టర్ ఆశిష్ బిజ్వాల్ పీటీఐకి తెలిపారు.

అలాగే, రాజస్థాన్‌లోని వివిధ జిల్లాల్లో సోమవారం నుండి భారీ వర్షాలు  కురుస్తున్నాయి. బన్స్వారాలోని భుంగ్రాలో అత్యధికంగా 203 మిల్లీమీటర్ల వర్షపాతం నమోదైందని వాతావరణ శాఖ ప్రతినిధి తెలిపారు. సోమవారం ఉదయం నుండి, బన్స్వారా, చిత్తోర్‌గఢ్, ఝలావర్, బుండి, దుంగార్‌పూర్, సిరోహి, కోటా, రాజ్‌సమంద్ జిల్లాల్లోని ఏకాంత ప్రదేశాలలో  భారీ వ‌ర్షపాతం న‌మోదైంది. పశ్చిమ రాజస్థాన్‌లోని కొన్ని చోట్ల తేలికపాటి నుండి మోస్తరు వర్షం కురిసింది.