తెలంగాణఈఏపీసెట్ షెడ్యూల్ విడుదల:మే 9 నుండి 12 వరకు పరీక్షలు
తెలంగాణలో ఇంజనీరింగ్, అగ్రికల్చర్ ప్రవేశ పరీక్షలకు సంబంధించిన షెడ్యూల్ ను ఉన్నత విద్యా మండలి విడుదల చేసింది.
హైదరాబాద్: ఈఏపీ సెట్ షెడ్యూల్ మంగళవారంనాడు రాష్ట్ర ప్రభుత్వం విడుదల చేసింది.ఈ నెల 21న ఈఏపీ సెట్ నోటిఫికేషన్ విడుదల కానుంది. ఈనెల 26 నుండి ఏప్రిల్ 6 వరకు ఈఏపీ సెట్ ధరఖాస్తులు స్వీకరించనున్నారు. మే 9వ తేదీ నుండి 12వ తేదీ వరకు తెలంగాణ రాష్ట్ర ఇంజనీరింగ్ , అగ్రికల్చర్ ఫార్మసీ కామన్ ఎంట్రెన్స్ టెస్ట్ పరీక్షలు నిర్వహించనున్నారు.
also read:నన్ను టచ్ చేయడం రేవంత్ వల్ల కాదు: బీఆర్ఎస్ నేతల సమావేశంలో కేసీఆర్
ఆన్‌లైన్ లో ధరఖాస్తు చేసుకోవాలని సెట్ కన్వీనర్ డీఎన్ కుమార్ చెప్పారు.జెఎన్‌టీయూ ఈ పరీక్షలను నిర్వహించనుంది. ఇవాళ నిర్వహించిన సమావేశంలో సెట్ కమిటీ ఈ షెడ్యూల్ ను ఆమోదించిందని డీఎన్ కుమార్ తెలిపారు.తెలంగాణ ప్రభుత్వం ఇటీవలనే ఎంసెట్ పేరును టీఎస్‌ఏపీసెట్ మార్చిన విషయం తెలిసిందే.
మే 6న ఈసెట్, మే 9 నుండి 13వ తేదీ వరకు ఎంసెట్, మే 23న ఎడ్ సెట్, జూన్ 3న లాసెట్, జూన్ 4,5 తేదీల్లో ఐసెట్ పరీక్షలు నిర్వహించనున్నట్టుగా తెలంగాణ ఉన్నత విద్యా మండలి ప్రకటించిన విషయం తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
