తెలంగాణ ముఖ్యమంత్రి కేసీఆర్ మీద అభిమానంతో ఓ కార్యకర్త తన కుమారుడికి కేసీఆర్ అని నామకరణం చేశారు.
తెలంగాణ ముఖ్యమంత్రి కేసీఆర్ మీద అభిమానంతో ఓ కార్యకర్త తన కుమారుడికి కేసీఆర్ అని నామకరణం చేశారు. మహబూబ్ నగర్ జిల్లా మక్తల్ నియోజకవర్గం గుర్లపల్లికి చెందిన తుప్పలి మల్లప్ప.. కొన్ని సంవత్సరాలుగా టీఆర్ఎస్ పార్టీ కోసం కృషి చేస్తున్నాడు. ఆయన కేసీఆర్ కి వీరాభిమాని.
ఈ అభిమానంతోనే తన మూడు నెలల కుమారుడికి ఇటీవల కేసీఆర్ అని నామకరణం చేశాడు. ఈ విషయం తెలుసుకున్న ఎమ్మెల్యే చిట్టెం రామ్మోహన్ రెడ్డి బుధవారం గుర్లపల్లికి వెళ్లారు. అక్కడ టీఆర్ఎస్ కార్యకర్త ఇంటికి వెళ్లిన ఎమ్మెల్యే.. ఆ చిన్నారిని ఎత్తుకున్నారు.
కేసీఆర్ పేరు కొడుకుకి పెట్టినందుకు మల్లప్పను ఎమ్మెల్యే అభినందించారు. ఈ సందర్భంగా ఎమ్మెల్యే చిట్టెం రామ్మోహన్ రెడ్డి మాట్లాడుతూ.. తెలంగాణ అపర భగీరథుడు అయినటువంటి కేసీఆర్కు అభిమానులు ఎంతో మంది ఉన్నారని పేర్కొన్నారు. ఒక అభిమాని తన కుమారుడికి కేసీఆర్ అనే పేరు పెట్టుకోవడం ఎంతో ఆనందాన్ని కల్గించిందన్నారు.
