Telangana: యాసంగిలో తెలంగాణలో 36 లక్షల ఎకరాల్లో రైతులు వ‌రి సాగు చేశారు. 65 లక్షల మెట్రిక్‌ టన్నుల ధాన్యం వస్తుందని అంచనా వేశామ‌ని రాష్ట్ర పౌరసరఫరాల శాఖ మంత్రి గంగుల‌ కమలాకర్ అన్నారు. ధాన్యం కొనుగోలుకు సంబంధించి అన్ని చ‌ర్య‌లు తీసుకుంటున్నామ‌ని తెలిపారు.  

paddy procurement : రాష్ట్రవ్యాప్తంగా శుక్రవారం నుంచి వరిధాన్యం కొనుగోళ్లు ప్రారంభిస్తామని పౌరసరఫరాల శాఖ మంత్రి గంగుల‌ కమలాకర్ అన్నారు. మే నెలాఖరు లేదా జూన్ మొదటి వారంలోగా కసరత్తు పూర్తి చేస్తామని చెప్పారు. ధాన్యం కొనుగోలుకు సంబంధించి అన్ని చ‌ర్య‌లు తీసుకుంటున్నామ‌ని తెలిపారు. ఈ యాసంగి సీజన్‌లో 34 లక్షల ఎకరాల్లో వరి సాగు చేయగా 65 లక్షల మెట్రిక్ టన్నులు కొనుగోలు కేంద్రాలకు వస్తాయని అంచనా వేస్తున్నట్లు తెలిపారు. రాష్ట్ర ప్రభుత్వం క్వింటాల్‌కు రూ.1,960 చొప్పున మొత్తం స్టాక్‌ను కొనుగోలు చేస్తుందని మంత్రి ప్రత్యేకంగా రైతులకు తెలియజేశారు. రైతులు వ‌రి కొనుగోలు కేంద్రాల్లోనే త‌మ పంట‌ను అమ్ముకోవాల‌ని కోరారు. మ‌ధ్య‌వ‌ర్తుల‌కు విక్ర‌యించ‌వ‌ద్ద‌ని సూచించారు.

ఇతర రాష్ట్రాల నుంచి వచ్చిన నిల్వలను కొనుగోలు కేంద్రాల్లో కొనుగోలు చేయకుండా అన్ని చర్యలు తీసుకుంటున్నామ‌ని తెలిపారు. ఈ మేరకు ఇతర రాష్ట్రాల నుంచి స్టాక్స్‌ రాకుండా కీలక ప్రదేశాల్లో 51 చెక్‌పోస్టులను ఏర్పాటు చేయనున్నట్లు తెలిపారు. తెలంగాణ‌లో పండి ధాన్యం మాత్ర‌మే రాష్ట్ర కొనుగోలు కేంద్రాల్లో కొంటామ‌ని తెలిపారు. రైతులు కొనుగోలు కేంద్రాలకు చేరుకున్న వెంటనే వారి వివరాలను డ్యాష్‌బోర్డ్‌లో ప్రదర్శిస్తామని, రైతులకు వన్ టైమ్ పాస్‌వర్డ్ (ఓటీపీ) పంపిస్తామని మంత్రి గంగుల క‌మ‌లాక‌ర్ వివరించారు. ధాన్యం సేకరణ కసరత్తు కోసం దాదాపు 15 కోట్ల గన్నీ బ్యాగులు అవసరం అవుతాయ‌ని తెలిపారు. అయితే, ప్రస్తుతం దాదాపు 1.60 కోట్ల బస్తాలు సంబంధిత‌ శాఖ వద్ద అందుబాటులో ఉన్నాయ‌ని తెలిపారు. నిల్వ కేంద్రాలకు తరలించేందుకు రవాణా సౌకర్యాలతో పాటు అవసరమైన సంఖ్యలో బస్తాలను వెంటనే కొనుగోలు చేసేందుకు చర్యలు తీసుకుంటున్నట్లు తెలిపారు.

గోడౌన్లను ఫుడ్ కార్పొరేషన్ ఆఫ్ ఇండియా (ఎఫ్‌సిఐ) నియంత్రిస్తున్నందున, ఆయా జిల్లాల్లోని అనుకూలమైన ప్రదేశాలలో నిల్వలను నిల్వ చేయాలని మంత్రి గంగుల క‌మ‌లాక‌ర్ అధికారులను ఆదేశించారు. ఇతర రాష్ట్రాల ధాన్యం తెలంగాణలోకి రాకుండా 51 చోట్ల చెక్‌ పోస్టులు ఏర్పాటు చేశామ‌ని తెలిపారు. తెలంగాణ రైతులకు న్యాయం జరగాలనే ఈ నిర్ణయం తీసుకున్నామ‌ని వివ‌రించారు. రైతులకు ఎక్కడా నష్టం జరగకుండా ఎంఎస్‌పీ ఇవ్వాలని జిల్లా అధికారులను ఆదేశించారు. భార‌తీయ జ‌న‌తా పార్టీ (బీజేపీ) ఒత్తిడి మేరకే రాష్ట్ర ప్రభుత్వం వరి ధాన్యాన్ని కొనుగోలు చేస్తోందని రాష్ట్ర బీజేపీ అధ్యక్షుడు బండి సంజయ్ వ్యాఖ్య‌ల నేప‌థ్యంలో.. ఆయ‌న‌పై విమర్శలు గుప్పించిన మంత్రి గంగుల క‌మ‌లాక‌ర్‌.. రైతులకు 24 గంటల ఉచిత కరెంటు ఇచ్చేలా గుజరాత్ ప్రభుత్వంపై ఒత్తిడి తేవాలని సవాల్ విసిరారు. ‘‘రైతుల కష్టాలను దృష్టిలో ఉంచుకుని ముఖ్యమంత్రి కే చంద్రశేఖర్‌రావు రైతుల నుంచి వరిధాన్యం కొనుగోలు చేయాలని నిర్ణయించారు. ఇక్కడి భార‌తీయ జ‌న‌తా పార్టీ (బీజేపీ) నాయకులు ప్రధానమంత్రి నరేంద్రమోడీని గెలిపించి, రైతు బంధు, రైతు బీమా మరియు ఉచిత విద్యుత్ సరఫరాను దేశవ్యాప్తంగా అమలు చేసేలా చూసుకోవాలి”అని మంత్రి అన్నారు. వరి ఉత్పత్తి చేసే రాష్ట్రాల పట్ల కేంద్రం వివక్షా ధోరణిని అవలంబిస్తోంది. ఎఫ్‌సిఐని మూసివేయడానికి కుట్ర జరుగుతోందని మంత్రి ఆరోపించారు.