పాలమూరు-రంగారెడ్డి ప్రాజెక్టుపై కేసీఆర్ సమీక్ష: పనుల పురోగతిపై ఆరా
పాలమూరు-రంగారెడ్డి ప్రాజెక్టుపై తెలంగాణ సీఎం కేసీఆర్ ఇవాళ సచివాలయంలో సమీక్ష నిర్వహించారు.
 )
Follow
హైదరాబాద్: పాలమూరు-రంగారెడ్డి ప్రాజెక్టుపై తెలంగాణ సీఎం కేసీఆర్ సోమవారంనాడు సచివాలయంలో సమీక్ష నిర్వహించారు. తెలంగాణ సచివాలయాన్ని సీఎం కేసీఆర్ నిన్న ప్రారంభించారు. ఇవాళ కొత్త సచివాలయం నుండి కేసీఆర్ విధులు నిర్వహిస్తున్నారు. 2014 లో తెలంగాణ సీఎంగా బాధ్యతలు చేపట్టిన తర్వాత ఆనాడు ఉన్న సచివాలయానికి సీఎం కేసీఆర్ కొంత కాలం పాటు వచ్చారు. ఆ తర్వాత సచివాలయానికి కేసీఆర్ రావడం మానేశారు.
ప్రగతి భవన్ నుండే కేసీఆర్ కార్యకలాపాలు నిర్వహించారు. కొత్త సచివాలయం నిన్న ప్రారంభమైంది. ఇవాళ ఉదయం కేసీఆర్ కొత్త సచివాలయానికి వచ్చారు. గ్రేటర్ హైద్రాబాద్ ప్రాంతానికి చెందిన ప్రజా ప్రతినిధులతో సమావేశం నిర్వహించారు. ఆ తర్వాత పాలమూరు- రంగారెడ్డి ప్రాజెక్టుపై కేసీఆర్ సమీక్ష నిర్వహించారు. ప్రాజెక్టు పనుల పురోగతిని సీఎం అధికారులతో సమీక్షించారు.
ఈ ప్రాజెక్టు పరిధిలో రిజర్వాయర్ల నిర్మాణం, భూసేకరణ పనులపై సీఎం కేసీఆర్ అధికారులను అడిగి తెలుసుకున్నారు. ఉమ్మడి మహబూబ్ నగర్, ఉమ్మడి నల్గొండ. ఉమ్మడి రంగారెడ్డి జిల్లాలకు సాగు తాగు నీటిని అందించేందుకు ఈ ప్రాజెక్టును ప్రతిపాదించారు. ప్రాజెక్టు పనుల పురోగతిపై అధికారులు సీఎం కేసీఆర్ కు వివరించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
