ప్రణయ్ భార్య అమృతకు టీడీపి బంపర్ ఆఫర్

నల్గొండ జిల్లా మిర్యాలగూడలో అమృత కుటుంబాన్ని రమణ పరామర్శించారు. ప్రణయ్ తల్లికి ప్రభుత్వ ఉద్యోగం ఇస్తామని ఆయన హామీ ఇచ్చారు.

pranay amritha varshini

నల్గొండ: మామ చేతిలో హత్యకు గురైన ప్రణయ్ భార్య అమృత వర్షిణికి తెలుగుదేశం పార్టీ బంపర్ ఆఫర్ ఇచ్చింది. తమ మహాకూటమి అధికారంలోకి వస్తే అమృతకు కోటి రూపాయల ఆర్థికసాయం అందిస్తామని తెలంగాణ టీడీపీ అధ్యక్షుడు ఎల్.రమణ ప్రకటించారు. 

నల్గొండ జిల్లా మిర్యాలగూడలో అమృత కుటుంబాన్ని రమణ పరామర్శించారు. ప్రణయ్ తల్లికి ప్రభుత్వ ఉద్యోగం ఇస్తామని ఆయన హామీ ఇచ్చారు. ముఖ్యమంత్రి కె. చంద్రశేఖర రావు అమృత కుటుంబాన్ని పరామర్శించకపోవడం విచారకరమని ఆయన అన్నారు. 

తండ్రి మారుతీరావు ఆస్తుల్లో సగం అమృత కుటుంబానికి అందేలా చర్యలు తీసుకోవాలని ఆయన డిమాండ్ చేశారు. కోటి రూపాయల నష్టపరిహారం ప్రకటించాలని కోరారు. అమృత ఆరోపించిన ప్రతివ్యక్తిపై కేసు నమోదు చేసి చర్యలు తీసుకోవాలని కూడా ప్రభుత్వాన్ని డిమాండ్ చేశారు.

సంబంధిత వార్తలు