గజ్వేల్: బ్యాంకు ఉద్యోగి దివ్య హత్య కేసులో సంచలన విషయాలు వెలుగు చూస్తున్నాయి. వెంకటేష్ , దివ్యలు గతంలో ప్రేమించి రహస్యంగా పెళ్లి చేసుకొన్నారని వెంకటేష్ కుటుంబసభ్యులు చెబుతున్నారు.

Also read:దివ్య హత్య కేసు: వేములవాడలో లొంగిపోయిన వెంకటేష్

ఉస్మానియా  యూనివర్శిటీలో దివ్య చదువుకొనే సమయంలో వెంకటేష్‌తో మధ్య పరిచయం ఉందని కుటుంబసభ్యులు చెబుతున్నారు. దివ్యను ప్రేమ పేరుతో వేధింపులకు పాల్పడినట్టుగా ఆరోపణలు ఉన్నాయి.

Also read:దివ్య హత్య కేసు: పోలీసుల అదుపులో వెంకటేష్ తల్లిదండ్రులు

మరో వైపు దివ్య, వెంకటేష్‌లు ఇద్దరూ రహస్యంగా కూడ వివాహం చేసుకొన్నారని వెంకటేష్ తండ్రి పరశురాములు ఓ తెలుగు న్యూస్ చానల్ ‌కు ఇచ్చిన ఇంటర్వ్యూలో తేల్చి చెప్పాడు.

ప్రేమ పెళ్లి తర్వాత దివ్య, వెంకటేష్ మధ్య విభేదాలు వచ్చాయి. దీంతో పోలీస్ స్టేషన్ లో దివ్య ఫిర్యాదు చేసింది. ఈ సమయంలో  దివ్య జోలికి వెళ్లనని వెంకటేష్ పోలీసుల సమక్షంలో రాతపూర్వకంగా రాసిచ్చినట్టుగా  చెబుతున్నారు.

దివ్యకు పెళ్లి కుదిరిన విషయం తెలుసుకొన్న వెంకటేష్ ఆమెపై కక్ష పెంచుకొన్నట్టుగా పోలీసులు అనుమానిస్తున్నారు. దీంతో ఆమెను హత్య చేసి ఉంటారని భావిస్తున్నారు. 

ఈ నెల 18వ తేదీ సాయంత్రం నుండి వెంకటేష్ ఫోన్ స్విచ్ఛాఫ్ చేసి ఉందని  తండ్రి పరశురామ్ చెప్పారు. దివ్య కేసు విచారణ కోసం పోలీసులు వెంకటేష్ తండ్రి పరశురామ్, తల్లి మల్లీశ్వరీని పోలీసులు వేములవాడ నుండి గజ్వేల్‌కు తీసుకొచ్చారు.