కేసీఆర్ కు బాటిల్స్ పార్శిల్ కలకలం: తేలిందేమిటంటే...
సీఎం కేసీఆర్ సహా పలువురు మంత్రులు ఐఎఎస్,ఐపీఎస్ అధికారులకు లిక్విడ్ బాటిల్స్ పార్శిల్ ప ై పోలీసులు విచారణ జరుపుతున్నారు. ఎఫ్ఎస్ఎల్ ప్రాథమిక రిపోర్టు చూసి పోలీసులు షాక్ తిన్నారు.
హైదరాబాద్: సీఎం కేసీఆర్ సహా మంత్రులు, వీఐపీలకు బాటిల్స్ లో మురుగు నీరు ఉందని ప్రాథమికంగా తేల్చారు. ఈ విషయమై ఇంకా పూర్తిస్థాయి నివేదిక కోసం పోలీసులు ఎదురు చూస్తున్నారు.
ఈ నెల 17వ తేదీన సీఎం కేసీఆర్ సహా మంత్రులు, ఐఎఎస్, ఐపీఎస్ అధికారులు, వీఐపీలకు 62 కాటన్ బాక్స్ లను ఓ అజ్ఞాత వ్యక్తి బుక్ చేశాడు. ఈ కాటన్ లలో ఉన్న బాటిల్స్ లో లిక్విడ్ ఉన్నట్టుగా గుర్తించారు.. అంతేకాదు ఈ బాటిల్స్ నుండి దుర్వాసన వస్తోంది. ఈ విషయాన్ని గుర్తించిన సికింద్రాబాద్ పోస్టల్ సిబ్బంది పోలీసులకు సమాచారం ఇచ్చారు.
ఈ సమాచారం మేరకు పోలీసులు మంగళవారం సాయంత్రం ఈ బాటిల్స్ నుండి నమూనాలను సేకరించి ల్యాబ్ కు తరలించారు. ఈ బాటిల్స్ ఉన్న లిక్విడ్ ఏమిటనే విషయమై తేల్చేందుకు సిద్దమయ్యారు.
అయితే ఈ బాటిల్స్ లో ఉన్న లిక్విడ్ మురుగు నీరు అంటూ ఫోరెన్సిక్ ల్యాబ్ ప్రాథమికంగా తేల్చింది. ఇంకా పూర్తిస్థాయి నివేదిక రావాల్సి ఉంది. ఓయూ లో మురుగరు నీరునే తాము తాగుతున్నామని వారు ఈ బాటిల్స్ నిండా నింపి పంపారు.
ఈ బాటిల్స్ తో పాటు ఓ లేఖను కూడ పోలీసులు స్వాధీనం చేసుకొన్నారు. మురుగు నీరే తాము తాగుతున్నామని ఆ లేఖలో పేర్కొన్నారు. ఈ విషయమై పోలీసులు విచారణ జరుపుతున్నారు. అయితే ఈ లేఖ ఎవరు రాశారు....ఈ బాటిల్స్ ఎవరు పంపారనే విషయమై పోలీసులు కూడ విచారణ చేస్తున్నారు.
సంబంధిత వార్తలు
బాటిల్స్ కలకలం: సీఎం కేసీఆర్ సహా పలువురికి పార్శిల్స్
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
