తెలంగాణలో కొత్త జోన్లు ఇవే: ఏయే జిల్లాలు ఏ జోన్లలోకి...
స్థానికులకే 95 శాతం ఉద్యోగాలు దక్కే విధంగా తెలంగాణ ప్రభుత్వం జోన్ల వ్యవస్థను పునర్వ్యస్థీకరించింది. ఈ జోన్ల వ్యవస్థ అమలు కావాలంటే రాష్ట్రపతి ఆమోద ముద్ర అనివార్యం.
హైదరాబాద్: స్థానికులకే 95 శాతం ఉద్యోగాలు దక్కే విధంగా తెలంగాణ ప్రభుత్వం జోన్ల వ్యవస్థను పునర్వ్యస్థీకరించింది. ఈ జోన్ల వ్యవస్థ అమలు కావాలంటే రాష్ట్రపతి ఆమోద ముద్ర అనివార్యం. తెలంగాణ రాష్ట్రాన్ని ఏడు జోన్లుగా విభజించారు. ఈ జోన్ల వ్యవస్థ ఇలా ఉంటుంది.
1. కాళేశ్వరం జోన్: ఈ జోన్ లో 28.29 లక్షల జనాభా ఉంది. ఈ జోన్ లోకి భూపాలపల్లి, మంచిర్యాల, ఆసిఫాబాద్, పెద్దపల్లి జిల్లాలు వస్తాయి.
2. బాసర జోన్: ఈ జోన్ లో 39.74 లక్షల జనాభా ఉంది. ఆదిలాబాద్, నిర్మల్, నిజామాబాద్, జగిత్యాల జిల్లాలో ఈ జోన్ లోకి వస్తాయి.
3. రాజన్న జోన్: ఈ జోన్ లో 43.09 లక్షల జనాభా ఉంది. ఈ జోన్ లోకి కరీంనగర్, సిద్ధిపేట, సిరిసిల్ల, కామారెడ్డి, మెదక్ జిల్లాలు వస్తాయి.
4. భద్రాద్రి జోన్: ఈ జోన్ లోకి 50.44 లక్షల జనాభా ఉంది. ఈ జోన్ లో వరంగల్ గ్రామీణ, వరంగల్ అర్బన్, కొత్తగూడెం, ఖమ్మం, మహబూబాబాద్ జిల్లాలు వస్తాయి.
5. యాదాద్రి జోన్: ఈ జోన్ లో 45.23 లక్షల జనాభా ఉంది. ఈ జోన్ లోకి సూర్యాపేట, నల్లగొండ, యాదాద్రి భువనగిరి, జనగామ జిల్లాలు వస్తాయి.
6. చార్మినార్ జోన్: ఈ జోన్ లో 1.03 కోట్ల జనాభా ఉంది. హైదరాబాద్, రంగారెడ్డి, మేడ్చల్, సంగారెడ్డి జిల్లాలు ఈ జోన్ లోకి వస్తాయి.
7. జోగులాంబ జోన్: ఈ జోన్ లో 44.63 లక్షల జనాభా ఉంది. మహబూబ్ నగర్, వనపర్తి, గద్వాల, నాగర్ కర్నూలు, వికారాబాద్
బహుళ జోన్ల పరిధిలోకి ఈ కింది జోన్లు వస్తాయి..
1. కాళేశ్వరం, బాసర, రాజన్న, భద్రాది (1.61 కోట్ల జనాభా)
2. యాదాద్రి, చార్మినార్, జోగులాబం (1.88 కోట్ల జనాభా)
ఈ వార్తాకథనాలు చదవండి
కేసీఆర్ హ్యాపీ: కొత్త జోనల్ వ్యవస్థకు మోడీ గ్రీన్ సిగ్నల్
జోనల్ వ్యవస్థ అంటే ఏమిటీ?: మోడీ చేతికి చిక్కిన కేసీఆర్
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
