మంత్రి శ్రీనివాస్ గౌడ్ మాజీ పీఏ కొడుకు ఆత్మహత్య.. మిస్టరీగా సూసైడ్..!!
మంత్రి శ్రీనివాస్ గౌడ్ దగ్గర గతంలో పీఏగా పనిచేసిన వ్యక్తి కొడుకు ఆత్మహత్య చేసుకోవడం పలు అనుమానాలు దారి తీస్తోంది. అతని మీద క్రిమినల్ కేసులు కూడా ఉండడం చర్చనీయాంశంగా మారింది.
హైదరాబాద్ : గచ్చిబౌలిలో ఓ యువకుడు సూసైడ్ చేసుకున్నాడు. ఈ విషయం ఇప్పుడు రాజధానిలో కలకలం రేపుతోంది. ఆ యువకుడు తెలంగాణ మంత్రి శ్రీనివాస్ గౌడ్ దగ్గర గతంలో పీఏగా పనిచేసిన దేవేందర్ కొడుకు. అతని పేరు అక్షయ్ కుమార్. అతను ఇప్పుడు ఉరివేసుకుని బలవన్మరణానికి పాల్పడ్డాడు. ఈ మరణం ఇప్పుడు అనుమానాలను రేకెత్తిస్తోంది. అక్షయ్ కుమార్ హైదరాబాద్ కొండాపూర్ సెంట్రల్ పార్క్ లో నివాసముంటున్నాడు. అక్కడే తన నివాసంలోనే ఉరివేసుకుని ఆత్మహత్య చేసుకున్నాడు. ఇంట్లో ఎవరులేని టైంలో ఈ దారుణానికి పాల్పడ్డాడు. ఐతే, అక్షయ్ కుమార్ మీద క్రిమినల్ కేసులు ఉన్నాయి. అక్షయ్ కుమార్ తండ్రి గతంలో మంత్రి శ్రీనివాస్ గౌడ్ దగ్గర పీఏగా పనిచేశాడు. ఈ నేపథ్యంలోనే అక్షయ్ కుమార్ ఆత్మహత్యపై పలు అనుమానాలు చెలరేగాయి.
ఈ మేరకు ఆత్మహత్యకు సంబంధించి సమాచారం అందుకున్న పోలీసులు ఘటనా స్థలానికి చేరుకున్నారు. వెంటనే మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. ఈ ఘటనపై కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. ఆత్మహత్య చేసుకున్న అక్షయ్.. పది రోజుల క్రితమే ఓ ఐటీ కంపెనీలో సాఫ్ట్వేర్ ఇంజనీర్ గా ఉద్యోగంలో చేరినట్లు పోలీసులు చెబుతున్నారు. అంతే కాదు, అక్షయ్ పై ఓ క్రిమినల్ కేసు కూడా ఉందని వెల్లడించారు. అయితే, అక్షయ్ ఆత్మహత్యకు కారణాలు ఏమిటో ఈ బయటికి రాలేదు.
మంత్రి మల్లారెడ్డి ఇళ్లల్లో ఐటీ రైడ్స్.. ఒకేసారి 50 బృందాలతో తనిఖీలు...
ఇంట్లో ఎలాంటి సూసైడ్ నోట్ దొరకలేదు. దీంతో ఈ కేసును అనుమానాస్పద మృతిగా బావించి.. అన్ని కోణాల్లో పోలీసులు దర్యాప్తు చేస్తున్నారు. అక్షయ్ పై అనేక ఆరోపణలు వినిపిస్తుండడం ప్రస్తుతం చర్చనీయాంశంగా మారింది. అక్షయ్ తండ్రి.. మంత్రి దగ్గర పీఏగా పని చేసినప్పుడు మోసాలకు పాల్పడినట్లు టాక్ ఉంది. ఆ నేరాల్లో నమోదైన కేసు కారణంగానే అక్షయ్ కుమార్ మనస్తాపంతో ఆత్మహత్య చేసుకున్నాడనే అనుమానాలు వ్యక్తమవుతున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
