ప్రేమోన్మాదికి యావజ్జీవ కారాగార శిక్ష
ఆ యువతి అతని ప్రేమను అంగీకరించలేదు. దీంతో.. 2018 ఆగస్టు 7వ తేదీన ఆర్ట్స్ కళాశాల రైల్వే స్టేషన్ పక్కన ఉన్న పోలీస్ కార్వర్ట్స్ లో యువతి గొంతు కోసి హత్య చేశాడు. ఈ కేుసులో అప్పట్లోనే వెంకట్ ని పోలీసులు అరెస్టు చేశారు.
ప్రేమోన్మాదంతో యువతిని అతి కిరాతకంగా గొంతు కోసి హత్య చేసిన ఓ యువకుడికి న్యాయస్థానం యావజ్జీవ కారాగార శిక్ష విధించింది. ఉస్మానియా యూనివర్శిటీ పోలీస్ స్టేషన్ పరిధిలో చోటుచేసుకున్న ఈ ఘటనకు సంబంధించిన వివరాలను ఇన్ స్పెక్టర్ రమేష్ నాయక్ తెలియజేశారు. వారాసిగూడకు చెందిన ఆరెపల్లి వెంకట్(25), బౌద్ధనగర్ ప్రాంతానికి చెందిన ఓ యువతిని ప్రేమించాడు.
అయితే.. ఆ యువతి అతని ప్రేమను అంగీకరించలేదు. దీంతో.. 2018 ఆగస్టు 7వ తేదీన ఆర్ట్స్ కళాశాల రైల్వే స్టేషన్ పక్కన ఉన్న పోలీస్ కార్వర్ట్స్ లో యువతి గొంతు కోసి హత్య చేశాడు. ఈ కేుసులో అప్పట్లోనే వెంకట్ ని పోలీసులు అరెస్టు చేశారు.
కాగా.. విచారణ అనంతరం బుధవారం నాంపల్లిలోని రెండో అదనపు మెట్రో పాలిటన్ సెషన్స్ జడ్జి.. ముద్దాయికి జీవిత ఖైదుతో పాటు రూ.10వేల జరిమానా విధిస్తూ తీర్పు వెలువరించారు. ఈ కేసును అదనపు పబ్లిక్ ప్రాసిక్యూటర్ జి.నారాయణ వాదించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
