కిష్టగూడెం సర్పంచ్ బహిరంగ లేఖ కలకలం: సూసైడ్ జాబితాలో మా పేరు లేకుండా చూడాలి
అప్పులు తెచ్చి గ్రామాన్ని అభివృద్ధి చేస్తే.... ఆత్మహత్యలు చేసుకోవాల్సిన పరిస్థితులు నెలకొన్నాయని ఓ సర్పంచ్ బహిరంగ లేఖ రాశారు. ఈ లేఖ జనగామ నియోజకవర్గంలో కలకలం సృష్టిస్తోంది.
వరంగల్: అప్పులు తెచ్చి గ్రామాన్ని అభివృద్ధి చేస్తే.... ఆత్మహత్యలు చేసుకోవాల్సిన పరిస్థితులు నెలకొన్నాయని ఓ సర్పంచ్ బహిరంగ లేఖ రాశారు. ఈ లేఖ జనగామ నియోజకవర్గంలో కలకలం సృష్టిస్తోంది.
జనగామ మండలం కిష్టగూడెం సర్పంచ్ భవాని లేఖ ప్రస్తుతం సర్వత్రా చర్చకు దారితీసింది.అప్పులు తెచ్చి అభివృద్ది చేస్తే ఆత్మహత్యలు చేసుకోవాలా అని ఆ లేఖలో ప్రశ్నించారు. రూ. 19 లక్షలతో అభివృద్ధి చేస్తే బిల్లులు రాలేదని ఆవేదన వ్యక్తం చేశారు.
బిల్లులు రాకపోవడంతో తాము ఆత్మహత్యలు చేసుకోవాల్సిన పరిస్థితులు నెలకొందన్నారు. ఆత్మహత్యల జాబితాలో తమ పేరు లేకుండా చూడాలని ఆ లేఖలో కోరారు.గ్రామాభివృద్ది కోసం తాము అప్పులు తెచ్చి ఖర్చు చేసినట్టుగా ఆ లేఖలో పేర్కొన్నారు.ఈ అప్పులను తీర్చేందుకు బిల్లులు ఇంకా రాకపోవడంతో తాము ఇబ్బందులు పడుతున్నట్టుగా ఆ లేఖలో సర్పంచ్ ఆవేదన వ్యక్తం చేశారు.
ఈ అప్పులు తీర్చలేకపోతే తాము ఆత్మహత్య చేసుకోవాల్సిన పరిస్థితులు నెలకొన్నాయని ఆ లేఖలో పేర్కొన్నారు. తాాము గ్రామాభివృద్ది కోసం చేసిన డబ్బులను తమకు ఇప్పించాలని ఆ లేఖలో కోరారు. ఈ లేఖ ప్రస్తుతం చర్చనీయాంశంగా మారింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
