భద్రాచలం బంద్‌కు కాంగ్రెస్, వామపక్షాల పిలుపు.. ఎందుకంటే..?
Bhadrachalam: భద్రాచలం బంద్‌కు కాంగ్రెస్, వామపక్షాల పిలుపునిచ్చాయి. ప్రభుత్వ ఆకస్మిక, ఏకపక్ష నిర్ణయానికి వ్యతిరేకంగా రేపు నిరసనలు తెలుపనున్న‌ట్టు ప్ర‌క‌టించాయి. సంబంధిత జీవో రీకాల్ చేయాలనీ, మున్సిపాలిటీ ఏర్పాటు చేయాలని ఇరు పార్టీలు డిమాండ్ చేస్తున్నాయి.
Bhadrachalam Bandh: భద్రాచలం బంద్‌కు కాంగ్రెస్, వామపక్షాల పిలుపునిచ్చాయి. ప్రభుత్వ ఆకస్మిక, ఏకపక్ష నిర్ణయానికి వ్యతిరేకంగా రేపు నిరసనలు తెలుపనున్న‌ట్టు ప్ర‌క‌టించాయి. సంబంధిత జీవో రీకాల్ చేయాలనీ, మున్సిపాలిటీ ఏర్పాటు చేయాలని ఇరు పార్టీలు డిమాండ్ చేస్తున్నాయి.
వివ‌రాల్లోకెళ్తే.. భద్రాచలం పట్టణంలో మూడు పంచాయతీలను విభజించాలన్న ప్రభుత్వ నిర్ణయాన్ని కాంగ్రెస్ ఎమ్మెల్యే పోడెం వీరయ్య, వామపక్ష నాయకులు తీవ్రంగా వ్యతిరేకించారు. ఈ అంశంపై శుక్రవారం జీవో 45 జారీ చేయడాన్ని నిరసిస్తూ వారు సోమవారం టెంపుల్ టౌన్ బంద్ కు పిలుపునిచ్చారు. తాజా జీవో ప్రకారం భద్రాచలం మూడు ఉప పంచాయతీలుగా విభజించబడింది. ఒకటి భద్రాచలం, మరొకటి సీతారామ నగర్, శాంతి నగర్. రాష్ట్రంలోని అతిపెద్ద పంచాయతీ అయిన భద్రాచలం మేజర్ గ్రామ పంచాయతీలో సుమారు లక్ష మంది వరకు నివసిస్తున్నారు. 2,100 ఎకరాల్లో విస్తరించి ఉన్న ఈ ప్రాంతం ప‌రిధిలో 40 కాలనీలు, 3,000 ఇళ్లు ఉన్నాయి.
ప్రభుత్వం 2001 లో టౌన్ షిప్ ను స్థాపించింది. తరువాత ఇది 2005 లో మునిసిపాలిటీగా అభివృద్ధి చేయబడింది. ఆ తర్వాత కోర్టు ఆదేశాల మేరకు గ్రామ పంచాయతీగా కొనసాగుతున్నారు. 2013లో స్థానిక సంస్థల ఎన్నికలను ప్రభుత్వం నిర్వహించింది. 2018లో వీరి పదవీకాలం ముగిసిన తర్వాత స్థానిక సంస్థల ఎన్నికలు జరగలేదు. రాష్ట్ర విభజన సమయంలో, భద్రాచలంకు చాలా దగ్గరగా ఉన్న ఐదు పంచాయతీలను ఆంధ్రప్రదేశ్లో విలీనం చేశారు. జీవో 45పై స్పందించిన భద్రాచలం ఎమ్మెల్యే పోడెం వీరయ్య బీఆర్ఎస్ ప్రభుత్వం ఏకపక్ష నిర్ణయంపై ఆగ్రహం వ్యక్తం చేశారు. గ్రామసభ ఆమోదం లేకుండా ప్రభుత్వం తన చర్యతో ఎలా ముందుకు సాగిందని ఆయన ప్ర‌శ్నించారు. ఈ విషయంపై ఎలాంటి నోటీసు ఇవ్వలేదని ఆయన విమర్శించారు. మేజర్ పంచాయతీ స్థానంలో మున్సిపాలిటీని ఏర్పాటు చేయాలన్న కాంగ్రెస్ పార్టీ డిమాండ్లను ప్రభుత్వం విస్మరించిందని ఆయన విమర్శించారు.
జీవో 45 ఉపసంహరించుకునే వరకు నిరసనలు కొనసాగుతాయని హెచ్చరించారు. ఆలయ అభివృద్ధికి ప్రత్యేక అధికారులను నియమించాలని సీపీఐ రాష్ట్ర కమిటీ సభ్యుడు రావులపల్లి రాంప్రసాద్ ప్రభుత్వాన్ని డిమాండ్ చేశారు. భద్రాచలంను మూడు పంచాయతీలుగా విభజించాలని ప్రభుత్వం తీసుకున్న నిర్ణయాన్ని తప్పుపట్టారు. కాంగ్రెస్, వామపక్ష పార్టీలు ఇదే విష‌యాన్ని ఎత్తిచూపుతూ రేపు భద్రాచలం బంద్ ను పాటించ‌నున్న‌ట్టు ప్ర‌క‌టించాయి.
కాగా, తాజాగా ప్రభుత్వం తీసుకున్న నిర్ణయంతో భద్రాచలం మూడు ముక్కలైంది. ఈ క్రమంలోనే భద్రాచలం రాష్ట్రంలో అతిపెద్ద గ్రామ పంచాయతీగా అవతరించింది. తెలంగాణ సర్కారు శుక్రవారం జారీ చేసిన కొత్త జీవో ప్రకారం.. భద్రాచలం మూడు గ్రామ పంచాయతీలుగా విడిపోయింది. భద్రాచలం, సీతారామ నగర్, శాంతినగర్ పంచాయతీలుగా విభజించారు. దీంతో త్వరలోనే ఎన్నికలు జరిగే అవకాశముంది. జీవో ప్రకారం 1 నుంచి 132 వరకు ఉన్న సర్వే నంబర్లను ఒక పంచాయతీగా, 52 నుంచి 90 వరకు ఉన్న సర్వే నంబర్లను రెండో పంచాయతీగా, 91 నుంచి 207 వరకు ఉన్న సర్వే నంబర్లను మూడో పంచాయతీగా మారుస్తారు. అదే విధంగా సారపాక ప్రధాన పంచాయతీ కూడా రెండు పంచాయతీలుగా విభజించబడింది. సారపాక పంచాయతీలో 1 నుంచి 262 సర్వే నంబర్లు, ఐటీసీ పంచాయతీలో 6, 14, 35 నుంచి 262 సర్వే నంబర్లు ఉన్నాయి. పరిపాలన సులభతరం చేయడానికి పంచాయతీలను విభజించినట్లు అధికారులు తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
