తెలంగాణ‌లో మ‌రో ఐదు రోజులు మోస్తారు నుంచి భారీ వర్షాలు
Hyderabad: తెలంగాణ‌లో అస్థిర వర్షపాతం కొనసాగుతోంది. అక్టోబర్ 12 వరకు ఒక మోస్తరు ఉరుములు మెరుపులతో కూడిన వ‌ర్షంతో పాటు భారీ వర్షాలు కురిసే అవ‌కాశ‌ముంద‌ని భాత‌ర వాతావరణ శాఖ అంచ‌నా వేసింది. భద్రాద్రి కొత్తగూడెంలోని అంకంపాలెంలో అత్యధికంగా 42 మిల్లీమీటర్ల వర్షపాతం నమోదైంది.
Telangana rains: దేశంలో ప‌లు రాష్ట్రాల‌తో పాటు తెలంగాణ‌లో కూడా వర్షాలు ప‌డుతున్నాయి. రాష్ట్రవ్యాప్తంగా శుక్రవారం అక్కడక్కడా వర్షాలు కురిశాయి. ఇటీవల కురిసిన వర్షాల కారణంగా, అనేక చెరువులు, జ‌లాశ‌యాలు నీటితో నిండిపోయాయి. గణనీయమైన నీటి ఇన్‌ఫ్లోలను కలిగి ఉన్నాయి. కొన్ని ప్రదేశాలలో వాగులు వంక‌లు పొంగిపొర్లుతున్నాయి. మ‌రో ఐదు రోజుల పాటు రాష్ట్రంలోని ప‌లు ప్రాంతాల్లో వర్షాలు కురుస్తాయ‌ని భారత వాతావరణ శాఖ అంచ‌నా వేసింది. అక్టోబర్ 12 వరకు ఒక మోస్తరు ఉరుములు మెరుపులతో కూడిన వ‌ర్షంతో పాటు భారీ వర్షాలు కురిసే అవ‌కాశ‌ముంద‌ని వాతావరణ విభాగం పేర్కొంది.
మహబూబ్‌నగర్ జిల్లా పోలీసులు రాత్రిపూట వర్షం కొనసాగుతుండటంతో నివాసితులను, ముఖ్యంగా యువకులు, వృద్ధులు ఇండ్ల నుంచి బ‌య‌ట‌కు రావ‌ద్ద‌ని హెచ్చ‌రించారు. ఇటీవల కురిసిన భారీ వర్షాల కారణంగా జిల్లాలోని అనేక వాగులు పొంగిపొర్లుతున్నందున ప్రజలు అప్రమత్తంగా ఉండాలని సూచించారు. విద్యుత్ స్తంభాలు, వేలాడుతున్న తీగల చుట్టూ తిరగకుండా ఉండాలని జిల్లా ఎస్పీ ఆర్ వెంకటేశ్వర్లు కోరారు. ఏదైనా దురదృష్టకర పరిస్థితులు ఏర్పడితే 100కు ఫోన్ చేయాలని ప్రజలకు సూచించారు. వనపర్తి ప్రాంతంలో గోపాల్‌పేట, బుద్దారం వెళ్లే రహదారులు జలమయం కావడంతో ట్రాఫిక్‌కు అంతరాయం ఏర్పడింది. భారీ వరదల కారణంగా కోయిల‌కొండ నది పొంగిపొర్లుతోంది. ఇటీవల ఎడతెరిపి లేకుండా కురుస్తున్న వర్షాలకు కోయిల్‌సాగర్‌ ప్రాజెక్టు నీటిమట్టం గ‌ణ‌నీయంగా పెరిగింది.
వర్షాల ప‌డుతుండ‌టంతో శిథిలావస్థలో ఉన్న భవనాల్లోని నివాసితులు ముందుజాగ్రత్తగా అక్కడి నుంచి వెళ్లి సురక్షిత ప్రాంతాలకు వెళ్లాలని అధికారులు సూచించారు. భద్రాద్రి కొత్తగూడెంలోని అంకంపాలెంలో అత్యధికంగా 42 మిల్లీమీటర్ల వర్షపాతం నమోదైనట్లు అధికారులు తెలిపారు. భద్రాద్రి కొత్తగూడెంలోని అశ్వారావుపేటలో 15.8 మిల్లీ మీట‌ర్లు, నల్గొండలోని జునూట్లలో 22.3 మిల్లీ మీట‌ర్ల వర్షపాతం నమోదైంది. భారత వాతావరణ శాఖ (IMD) శుక్రవారం రాత్రి విడుదల చేసిన ఒక ప్ర‌క‌ట‌న‌లో శనివారం తేలికపాటి నుండి మోస్తరుగా ఉరుములు, మెరుపులతో కూడిన వర్షం కురిసే అవకాశం ఉందని హెచ్చరించింది. ఏజెన్సీ ప్రకారం, రాబోయే ఐదు రోజులలో రాష్ట్రంలోని కొన్ని ప్రాంతాల్లో తేలికపాటి నుండి మోస్తరు లేదా ఉరుములతో కూడిన వర్షం కురిసే అవకాశం ఉంది.
ఉస్మాన్ సాగర్ & హిమాయత్ సాగర్ గేట్ల ఎత్తివేత
హైదరాబాద్‌లో బుధ, గురువారాల్లో కురిసిన భారీ వర్షాలకు రిజర్వాయర్లు ఫుల్ ట్యాంక్ లెవల్స్ (ఎఫ్‌టిఎల్)కి చేరుకోవడంతో హైదరాబాద్ మెట్రోపాలిటన్ వాటర్ సప్లై & సీవరేజ్ బోర్డు (హెచ్‌ఎండబ్ల్యుఎస్&ఎస్‌బీ) శుక్రవారం ఉస్మాన్ సాగర్, హిమాయత్ సాగర్ గేట్లను రెండు అడుగుల వరకు తెరిచింది. ఉస్మాన్ సాగర్ గరిష్ట సామర్థ్యం 1,790.00 అడుగుల వద్ద కొలిచిన తర్వాత రెండు గేట్లను తెరిచారు. అలాగే, హిమాయత్ సాగర్ వద్ద, నీటి మట్టం 1,763.50 అడుగుల పూర్తి ట్యాంక్ లెవెల్ (FTL) వద్ద కొలవబడింది. ఈ క్ర‌మంలోనే అధికారులు రిజర్వాయర్ రెండు గేట్లను తెరిచారు. ఇన్ ఫ్లో 1800 క్యూసెక్కులు, ఔట్ ఫ్లో 2060 క్యూసెక్కులుగా ఉంది. రిజర్వాయర్‌లోని మూడు గేట్లను రెండు అడుగుల మేర తెరిచారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
