ఆన్‌లైన్ లో బిర్యానీ ఆర్డర్: చనిపోయిన బల్లి, సోషల్ మీడియాలో ఆడేసుకున్న నెటిజన్లు
హైద్రాబాద్ బిర్యానీని ఆర్డర్ చేసిన వినియోగదారుడు షాక్ కు గురయ్యాడు. ఆన్ లైన్ లో వచ్చిన చికెన్ బిర్యానీలో బల్లి రావడంతో అతను సోషల్ మీడియాలో వీడియోను పోస్టు చేశారు. ఈ విషయమై నెటిజన్లు మండిపడుతున్నారు.
 )
Followహైదరాబాద్: బిర్యానీని లొట్టలేసుకొంటూ తినాలని భావించిన ఓ కుటుంబానికి నిరాశే ఎదురైంది. ఆన్ లైన్ లో బిర్యానీ ఆర్డర్ చేస్తే చికెన్ బిర్యానీలో చనిపోయిన బల్లి కన్పించింది. దీంతో బిర్యానీ ఆర్డర్ చేసిన వినియోగదారుడు సోషల్ మీడియాలో ఈ విషయాన్ని షేర్ చేశారు.
హైద్రాబాద్ అంబర్ పేట ప్రాంతానికి చెందిన విశ్వ ఆదిత్య అనే వ్యక్తి సోషల్ మీడియా వేదికగా బిర్యానీలో చనిపోయిన బల్లి ఉన్న వీడియోను షేర్ చేశాడు. ఈ వీడియో సోషల్ మీడియాలో వైరల్ గా మారింది. నిమిషం నిడివి ఉన్న ఈ వీడియో ప్రస్తుతం సోషల్ మీడియాలో చక్కర్లు కొడుతుంది.
చికెన్ బిర్యానీ కోసం ఆన్ లైన్ లో విశ్వ ఆదిత్య ఆర్డర్ చేశాడు. అయితే ఈ బిర్యానీలో బల్లిని గుర్తించారు. తాను ఆర్డర్ చేసిన సంస్థ ప్రతినిధితో కూడ విశ్వ ఆదిత్య ఈ విషయమై ఫిర్యాదు చేశాడు. ఈ స్క్రీన్ షాట్లను కూడ సోషల్ మీడియాలో పోస్టు చేశాడు. హైద్రాబాద్ నగరంలోని ప్రముఖ హోటల్ నుండి ఈ బిర్యానీ వచ్చినట్టుగా అతను షేర్ చేశారు. ఈ వీడియోను చూసిన నెటిజన్లు హోటల్ పై మండిపడ్డారు.
ప్రసిద్ద రెస్టారెంట్లు నాణ్యతను విస్మరిస్తున్నాయని నెటిజన్లు ఆగ్రహం వ్యక్తం చేస్తున్నారు.ఈ విషయమై కొందరు నెటిజన్లు మీమ్ లు కూడ పెట్టారు. రెస్టారెంట్ తీరును తప్పుబడుతున్నారు. ఈ ట్వీట్ పై జోమాటో స్పందించింది.తాము సమస్యను గుర్తించినట్టుగా తెలిపింది. వినియోగదారుడితో మాట్లాడినట్టుగా ఆ సంస్థ ప్రకటించింది.ఈ విషయాన్ని తాము సీరియస్ గా తీసుకున్నట్టుగా జోమాటో సంస్థ ప్రకటించింది.తదుపరి చర్యలకు తాము కృషి చేస్తున్నామని తెలిపింది.
గత ఏడాది మే మాసంలో కూడ ఇదే రకమైన ఫిర్యాదు స్థానికంగా ఉన్న రెస్టారెంట్ పై వచ్చాయి. ఈ విషయమై బీజేపీ కార్పోరేటర్ ఫిర్యాదు చేశారు.మున్సిపల్ కార్పోరేషన్ అధికారులు రెస్టారెంట్ పై దాడి చేశారు.
హైదరాబాద్ ఆర్టీసీ క్రాస్ రోడ్ లోనీ బావర్చి హోటల్లో చికెన్ బిర్యానిలో ప్రత్యక్షమైన బల్లి
— Telugu Scribe (@TeluguScribe) December 2, 2023
అంబర్పేట డిడి కాలనీ కి చెందిన విశ్వ ఆదిత్య ఆన్లైన్లో జొమాటోలో చికెన్ బిర్యానికి ఆర్డర్
జొమోటో బాయ్ తీసుకువచ్చిన చికెన్ బిర్యానిలో బల్లి వచ్చిందని కుటుంబ సభ్యుల ఆరోపణ
బావర్చి యాజమాన్యం… pic.twitter.com/5h0x1fltiQ
హైద్రాబాద్ లో విశ్వ ఆదిత్య అనే వ్యక్తి చికెన్ బిర్యానీ కోసం ఆర్డర్ చేశాడు. చికెన్ బిర్యానీలో చనిపోయిన బల్లి రావడంతో అతను ఫిర్యాదు చేశాడు.ఈ వీడియోను విశ్వ ఆదిత్య సోషల్ మీడియాలో పోస్టు చేశారు. నెటిజన్లు ఈ విషయమై మండిపడుతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
