హైదరాబాద్ చైన్ స్నాచింగ్ కేసులో పురోగతి...
హైదరాబాద్ లో గురువారం కలకలం సృష్టించిన వరుస చైన్ స్నాచింగ్ కేసును చేదించడంలో పోలీసులు పురోగతి సాధించారు. ఈ చైన్ స్నాచింగ్ కేసును సీరియస్ గా తీసుకున్న నగర పోలీసులు 24 గంటల్లోపే స్నాచర్లు వాడి బైక్ ను స్వాధీనం చేసుకున్నారు. పాతబస్తీలోని భవాని నగర్ సమీపంలో ఓ ముళ్ల పొదల్లో ఈ మోటార్ సైకిల్ ను గుర్తించారు. దీని ఆధారంగా దుండగులను గుర్తించి, పట్టుకునే ప్రయత్నం చేస్తున్నట్లు పోలీస్ అధికారులు తెలిపారు.
హైదరాబాద్ లో గురువారం కలకలం సృష్టించిన వరుస చైన్ స్నాచింగ్ కేసును చేదించడంలో పోలీసులు పురోగతి సాధించారు. ఈ చైన్ స్నాచింగ్ కేసును సీరియస్ గా తీసుకున్న నగర పోలీసులు 24 గంటల్లోపే స్నాచర్లు వాడి బైక్ ను స్వాధీనం చేసుకున్నారు. పాతబస్తీలోని భవాని నగర్ సమీపంలో ఓ ముళ్ల పొదల్లో ఈ మోటార్ సైకిల్ ను గుర్తించారు. దీని ఆధారంగా దుండగులను గుర్తించి, పట్టుకునే ప్రయత్నం చేస్తున్నట్లు పోలీస్ అధికారులు తెలిపారు.
ఈ బైక్ రిజిస్ట్రేషన్ నెంబర్ ఆధారంగా యజమానిని గుర్తించారు పోలీసులు. అయితే ఆ బైక్ ని తాను రెండేళ్ళ క్రితమే ఇతరులకు అమ్మేసినట్లు తెలిపాడు. దాన్ని కొనుగోలు చేసిన వ్యక్తుల గురించిన వివరాలను అతడి నుండి సేకరించిన పోలీసులు దర్యాప్తు ముమ్మరం చేశారు. ఈ పని నగరానికి చెందిన ముఠానే చేసి వుంటుందని పోలీసులు ప్రాథమికంగా అనుమానిస్తున్నారు.
నగరంలో నిన్న ఒక్క రోజే 11 చైన్ స్నాచింగ్ కేసులు నమోదయ్యాయి. అయితే ఈ స్నాచింగ్ లకు పాల్పడింది ఒకే ముఠా అని తెలుసుకున్న పోలీసులు సిసి కెమెరాల ఆధారంగా దర్యాప్తు చేయగా బైక్ లభించింది. దీని ఆధారంగా నిందితులేవరో తెలుసుకోడానికి హైదరాబాద్ పోలీసులు ప్రయత్నిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
