సికింద్రాబాద్ రాంగోపాల్ పేట డెక్కన్ మాల్ కూల్చివేత: టెండర్లు ఆహ్వానించిన జీహెచ్ఎంసీ
సికింద్రాబాద్ రాంగోపాల్ పేట డెక్కన్ మాల్ కూల్చివేతకు జీహెచ్ఎంసీ అధికారులు టెండర్లను ఆహ్వానించారు. ఇతర భవనాలకు నష్టం వాటిల్లకుండా ఉండేలా భవనం కూల్చివేయాలని జీహెచ్ఎంసీ సూచించింది.
Followహైదరాబాద్: సికింద్రాబాద్ రాంగోపాల్ పేట డెక్కన్ మాల్ కూల్చివేతకు జీహెచ్ఎంసీ అధికారులు టెండర్లను పిలిచారు. అగ్ని ప్రమాదం కారణంగా ఈ భవనం పూర్తిగా బలహీనపడింది. దీంతో ఈ భవనాన్ని కూల్చివేయాలని అధికారులు నిర్ణయం తీసుకన్నారు. భవనం కూల్చివేత విషయంలో పక్కనే ఉ్న ఇతర భవనాలకు నష్టం వాటిల్లకుండా ఉండాలని అధికారులు సూచిస్తున్నారు.
1890 చదరపు అడుగుల్లో డెక్కన్ స్పోర్ట్స్ వేర్ భవనం నిర్మించారు. ఈ భవనం కూల్చివేతకు రూ. 33.86 లక్షలతో టెండర్లను ఆహ్వానించారు. భవనం కూల్చివేతకు ఆధునాతన యంత్రాలు వాడాలని సూచించారు. భవనం కూల్చివేసే సమయంలో చుట్టుపక్కల వారికి ప్రమాదం జరగకుండా అధికారులు కోరారు.
ఈ నెల 19వ తేదీన రాంగోపాల్ పేట డెక్కన్ మాల్ లో అగ్ని ప్రమాదం జరిగింది. ఈ ప్రమాదం కారణంగా భవనంలో ఆరు అంతస్థులు పూర్తిగా దెబ్బతిన్నాయి. సుమారు 11 గంటల పాటు కష్టపడి అగ్నిమాపక సిబ్బంది మంటలను ఆర్పివేశారు. ఈ భవనంలో ఉన్న సింథటిక్ , టైర్లు ఇతర మెటీరియల్ మంటలు త్వరగా వ్యాప్తి చెందడానికి కారణంగా మారిందనే అగ్నిమాపక సిబ్బంది అభిప్రాయపడ్డారు.
ఈ భవనం నుండి నలుగురిని అగ్నిమాపక సిబ్బంది రక్షించారు. అయితే ఈ భవనంలో విధులకు వెళ్లిన వారిలో ముగ్గురి ఆచూకీ లభ్యం కాలేదు. అయితే ఈ భవనంలోని సెల్లార్ లో ఒక అస్థిపంజరం లభ్యమైంది. ఈ ఆస్థి పంజరం నమూనాలను ఫోరెన్సిక్ ల్యాబ్ కు తరలించారు. ఈ ఆస్థి పంజరం ఎవరిదనే విషయాన్ని నిర్ధారించనున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
