తెలంగాణ అసెంబ్లీ ఎన్నికలకు రంగం సిద్ధంచేస్తున్న ఈసీ.. సన్నాహాలపై ఉన్న‌తాధికారుల‌తో చర్చలు
Hyderabad: తెలంగాణ అసెంబ్లీ గడువు 2024 జనవరిలో ముగియనున్న నేపథ్యంలో, ఎన్నికలను సజావుగా నిర్వహించేందుకు రాష్ట్ర ఎన్నికల అధికార యంత్రాంగం సంసిద్ధతను అంచనా వేయడంపై భారత ఎన్నికల సంఘం (ఈసీఐ) దృష్టి సారించింది. ఈ క్ర‌మంలోనే సీనియర్ డిప్యూటీ ఎన్నికల కమిషనర్లు, ఎన్నికల కమిషనర్లు, సీనియర్ అధికారులతో కూడిన ఈసీ ఉన్నతస్థాయి ప్రతినిధి బృందం మూడు రోజుల పర్యటన నిమిత్తం గురువారం నగరానికి చేరుకుంది.
 )
FollowTelangana Assembly poll: ఈ ఏడాది చివర్లో జరగనున్న అసెంబ్లీ ఎన్నికల సన్నాహాల్లో భాగంగా ఎన్నికల సంఘం (ఈసీ) బృందం తెలంగాణ ప్రభుత్వ ప్రధాన కార్యదర్శితో సమావేశమైంది. ఎన్నికలను సజావుగా నిర్వహించడానికి అవసరమైన అన్ని సహాయ సహకారాలు అందిస్తామని తెలంగాణ ప్రభుత్వ ప్రధాన కార్యదర్శి ఎ.శాంతికుమారి ఈసీ అధికారులతో సమావేశమై హామీ ఇచ్చినట్లు రాష్ట్ర ఎన్నికల ప్రధాన అధికారి కార్యాలయం ఒక ప్రకటనలో తెలిపింది.
తెలంగాణ అసెంబ్లీ గడువు 2024 జనవరిలో ముగియనున్న నేపథ్యంలో, ఎన్నికలను సజావుగా నిర్వహించేందుకు రాష్ట్ర ఎన్నికల అధికార యంత్రాంగం సంసిద్ధతను అంచనా వేయడంపై భారత ఎన్నికల సంఘం (ఈసీఐ) దృష్టి సారించింది. ఈ క్ర‌మంలోనే సీనియర్ డిప్యూటీ ఎన్నికల కమిషనర్లు, ఎన్నికల కమిషనర్లు, సీనియర్ అధికారులతో కూడిన ఈసీ ఉన్నతస్థాయి ప్రతినిధి బృందం మూడు రోజుల పర్యటన నిమిత్తం గురువారం నగరానికి చేరుకుంది. ఈసీఐ ప్రతినిధి బృందం ముందుగా తెలంగాణ సీఈవో, ప్రత్యేక పోలీసు నోడల్ అధికారి, ఇతర సీనియర్ అధికారులతో ఎన్నికల భద్రతకు సంబంధించిన అంశాలకు సంబంధించి వ్యూహాలను మార్పిడి చేసుకోవడానికి కీలకమైన సమావేశాలలో పాల్గొంది.
ఆ తర్వాత ప్రతినిధి బృందం జిల్లా కలెక్టర్లు, పోలీసు సూపరింటెండెంట్లు, ఇతర సీనియర్ అధికారులతో చర్చలు జరిపి సన్నాహాలను ముందుగానే ప్రారంభించడం ప్రాముఖ్యతను వివరిస్తుందని సంబంధిత అధికారులు ఈసీ ప‌ర్య‌ట‌న‌కు ముందు చెప్పారు. సన్నాహాల్లో భాగంగా దృష్టి సారించాల్సిన అంశాలపై కలెక్టర్లు/ఎస్పీలకు అవగాహన కల్పించే అవకాశం ఉందని కూడా తెలిపారు. ఎన్నికల సన్నద్ధత, ఎన్నికల యంత్రాంగం సరైన దారిలో ఉందా లేదా అనే అంశంపై ప్రతినిధుల బృందం దృష్టి సారించనున్నట్లు సీనియర్ అధికారులు తెలిపారు. ప్రస్తుత సంవత్సరంలో ఓటర్ల జాబితా నుండి పేర్ల తొలగింపు ప్రధాన సమస్యలలో ఒకటి, ఇది మునుపటి సంవత్సరాల కంటే ఎక్కువగా ఉందని అధికారులు తెలిపారు.
ఈ క్ర‌మంలోనే ఈసీఐ మూడు రోజుల రాష్ట్ర ప‌ర్య‌ట‌న‌ను పూర్తి చేసుకుంది. సీనియర్ డిప్యూటీ ఎలక్షన్ కమిషనర్లు (డీఈసీలు) ధర్మేంద్ర శర్మ, నితేష్ కుమార్ వ్యాస్ నేతృత్వంలో ఈసీ సీనియర్ అధికారుల మూడు రోజుల పర్యటన ముగిసిందనీ, ఎన్నికల నిర్వ‌హ‌ణ లాజిస్టిక్ స‌హాయం వంటి అంశాల‌ను ప్రభుత్వ అధికారులతో చ‌ర్చించిన‌ట్టు తెలిపారు. ఈ పర్యటనలో భాగంగా ఎన్నికల్లో ధనబలం వినియోగాన్ని తగ్గించే ఉద్దేశంతో రాష్ట్ర అధికారులు, ఆదాయపు పన్ను (సీబీడీటీ), ఎక్సైజ్ శాఖ, రాష్ట్ర జీఎస్టీ, సీజీఎస్టీ, ఎన్‌ఫోర్స్‌మెంట్ డైరెక్టరేట్, స్టేట్ లెవల్ బ్యాంకర్స్ కమిటీ (ఎస్ఎల్బీసీ), డీఆర్ఐ, సీఐఎస్ఎఫ్, రాష్ట్ర వాణిజ్య పన్నుల శాఖతో ఈసీ బృందం సమావేశమైంది. ఎన్నికల సన్నద్ధతపై చర్చించేందుకు తెలంగాణలోని 33 జిల్లాల కలెక్టర్లు, సీపీలు, ఎస్పీలతో ఈసీ బృందం కీలక సమావేశం నిర్వహించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
