ధర్మపురి అసెంబ్లీ: స్ట్రాంగ్ రూమ్ తాళాలు పగులగొట్టిన అధికారులు
ధర్మపురి అసెంబ్లీ సెగ్మెంట్ స్ట్రాంగ్ రూమ్ తాళాలను ఇవాళ పగులగొట్టారు. హైకోర్టు ఆదేశాలతో తాళాలు బద్దలు కొట్టారు. ఈసీ అధికారులు, అభ్యర్ధుల సమక్షంలో తాళాలు పగులగొట్టారు.
 )
Follow
కరీంనగర్: ధర్మపురి అసెంబ్లీ నియోజకవర్గ స్ట్రాంగ్ రూమ్ తాళాలను ఆదివారంనాడు పగులగొట్టారు అధికారులు. హైకోర్టు ఆదేశాల మేరకు అధికారులు ధర్మపురి స్ట్రాంగ్ రూమ్ తాళాలను బద్దలు కొట్టారు స్ట్రాంగ్ రూమ్ లోని 17 ఏ, 17 'సీ ఫామ్స్ తో పాటు కౌంటింగ్ హల్ లోని సీసీ టీవీ పుటేజీని హైకోర్టుకు సమర్పించనున్నారు అధికారులు.ఈ నెల 26న హైకోర్టుకు నివేదికను అందించనున్నారు అధికారులు. ఇవాళ ఉదయం 11 గంటల సమయంలో ఈసీ ప్రతినిధులు , కలెక్టర్, అభ్యర్ధుల సమక్షంలో స్ట్రాంగ్ రూమ్ తాళాలు పగులగొట్టారు అధికారులు.
దర్మపురి అసెంబ్లీ సెగ్మెంట్ కు చెందిన స్ట్రాంగ్ రూమ్ తాళాలను పగులగొట్టాలని తెలంగాణ హైకోర్టు ఈ నెల 19న జగిత్యాల జిల్లా కలెక్టర్ ను ఆదేశించారు. నియోజకవర్గంలోని ప్రతి పోలీంగ్ స్టేషన్ లోని ఓట్లు, ఓట్ల శాతం వివరాలను అందించాలని హైకోర్టు ఆదేశించింది. ఈ వివరాలను అందించేందుకు వీలుగా స్టాంగ్ రూమ్ తాళాలను బద్దలు కొట్టాలని ఆదేశించింది. హైకోర్టు ఆదేశాల మేరకు ఇవాళ స్ట్రాంగ్ రూమ్ తాళాలను బద్దలుగొట్టారు అధికారులు.
ధర్మపురి అసెంబ్లీ స్థానంనుండి 2018 అసెంబ్లీ స్థానం నుండి బీఆర్ఎస్ అభ్యర్ధి కొప్పుల ఈశ్వర్ 440 ఓట్ల మెజారిటీతో తన సమీప కాంగ్రెస్ అభ్యర్ధి అడ్లూరి లక్ష్మణ్ పై విజయం సాధించారు. ఈ విషయమై అడ్లూరి లక్ష్మణ్ హైకోర్టును ఆశ్రయించారు. నియోజకవర్గంలోని పోలింగ్ స్టేషన్ల వారీగా వివరాల కోసం స్టాంగ్ రూమ్ తెరవాలని హైకోర్టు ఆదేశించింది. అయితే స్ట్రాంగ్ రూమ్ తాళాలు మిస్సయ్యాయి.
ఈ విషయాన్ని ఎన్నికల సంఘం కూడా సీరియస్ గా తీసుకుంది. జగిత్యాలలో పనిచేసిన అధికారులను ఈ విషయమై ఈసీ అధికారుల బృదంద ప్రశ్నించింది. స్ట్రాంగ్ రూమ్ తాళాలు మిస్సైన విషయాన్ని హైకోర్టు దృష్టికి తీసుకెళ్లడంతో తాళాలను పగులగొట్టాలని హైకోర్టు ఆదేశించింది. ఈ నెల 10వ తేదీన ధర్మపురి స్ట్రాంగ్ రూమ్ తలుపులు తెరవాలని కలెక్టర్ భావించారు. కానీ తాళాలు లేకపోవడంతో స్ట్రాంగ్ రూమ్ తాళాలు తెరవలేదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
