రోడ్డు ప్రమాదం కారు నుజ్జు నుజ్జు: సుల్తాన్ బజార్ సీఐ దంపతుల దుర్మరణం
రంగారెడ్డి జిల్లాలోని అబ్దుల్లాపూర్ మెట్ వద్ద ఘోరమైన రోడ్డు ప్రమాదం జరిగింది. ఆగి ఉన్న లారీని వేగంగా వచ్చిన కారు ఢీకొట్టింది. ఈ ప్రమాదంలో సుల్తాన్ బజార్ సీఐ దంపతులు మరణించారు.
హైదరాబాద్: రంగారెడ్డి జిల్లా అబ్దుల్లాపూర్ మెట్ వద్ద శనివారం ఉదయం ఘోరమైన రోడ్డు ప్రమాదం జరిగింది. ఈ ప్రమాదంలో భార్యాభర్తలు మరణించారు. అగి ఉన్న లారీని అతి వేగంగా వచ్చిన కారు ఢీకొట్టింది. ఈ ప్రమాదంలో కారు నుజ్జు నుజ్జు అయింది.
ఈ రోడ్డు ప్రమాదంలో డిటెక్టివ్ ఇన్ స్పెక్టర్ లక్ష్మణ్, ఆయన భార్య ఝాన్సీ మరణించారు. వారిద్దరు కారులో ఇరుక్కుపోయి మృతి చెందారు. లక్ష్మణ్ హైదరాబాదులోని సుల్తాన్ బజార్ పోలీసు స్టేషన్ లో విధులు నిర్వహిస్తున్నాడు.
ఈ ప్రమాదం నుంచి వారి ఎనిమిదేళ్ల కుమారుడు సురక్షితంగా బయటపడ్డాడు. ప్రమాదం సమయంలో ఝాన్సీ కారు నడుపుతున్నట్లు గుర్తించారు. సూర్యాపేట నుంచి హైదరాబాద్ వస్తుండగా ఈ ప్రమాదం సంభవించింది. ఈ ప్రమాదంపై పోలీసులు కేసు నమోదు చేసుకుని దర్యాప్తు చేస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
