న్యూఢిల్లీ నుండి హైద్రాబాద్ బయలుదేరిన కవిత
బీఆర్ఎస్ ఎమ్మెల్సీ కల్వకుంట్ల కవిత న్యూఢిల్లీ నుండి హైద్రాబాద్ కు బయలుదేరారు . నిన్న, మొన్న రెండు రోజుల పాటు కవిత ఈడీ విచారణను ఎదుర్కొన్న విషయం తెలిసిందే.
 )
Follow
న్యూఢిల్లీ: బీఆర్ఎస్ ఎమ్మెల్సీ కల్వకుంట్ల కవిత న్యూఢిల్లీ నుండి బుధవారంనాడు ఉదయం హైద్రాబాద్ కు బయలుదేరారు. మంగళవారంనాడు రాత్రి 9:40 గంటల వరకు ఈడీ అధికారులు కవితను విచారించిన విషయం తెలిసిందే. ఢిల్లీలోని సీఎం కేసీఆర్ అధికారిక నివాసం నుండి కారులో వెళ్తూ మీడియా ప్రతినిధులకు కవిత ఉగాది శుభాకాంక్షలు తెలిపారు.
బీఆర్ఎస్ ఎమ్మెల్సీ కల్వకుంట్ల కవిత ఈ నెల 19వ తేదీన హైద్రాబాద్ నుండి న్యూఢిల్లీకి చేరుకున్నారు. ఎమ్మెల్సీ కవిత వెంట మంత్రి కేటీఆర్, ఎంపీ సంతోష్, కిత భర్త అనిల్ కూడా ఢిల్లీకి వచ్చారు. ఢిల్లీ లిక్కర్ స్కాంలో ఈ నెల 20, 21 తేదీత్లో కవిత ఈడీ విచారణను ఎదుర్కొన్నారు. ఈ నెల 20వ తేదీన పదిన్నర గంటల పాటు ఈడీ అధికారులు కవితను విచారించారు. ఈ నెల 21న సుమారు పది గంటల పాటు కవితను విచారించారు. నిన్న కవితను 15 అంశాలపై ఈడీ అధికారులు ప్రశ్నించారు. మొన్న 14 అంశాలపై ఈడీ అధికారులు ప్రశ్నల వర్షం కురిపించారని సమాచారం. ఈ నెల 11వ తేదీన తొలిసారిగా కవిత ఈడీ విచారణకు హాజరయ్యారు.ఈ నెల 20న రెండో దఫా, ఈ నెల 21న మూడో సారి ఈడీ విచారణకు హాజరయ్యారు.
also read:గతంలోనూ పేపర్లు లీకయ్యాయి.. అవి సాధారణమే - మంత్రి ఇంద్రకరణ్ రెడ్డి
ఈ నెల 6వ తేదీన అరుణ్ రామచంద్రపిళ్లైని ఈడీ అధికారులు అరెస్ట్ చేశారు. అరుణ్ రామచంద్ర పిళ్లై ఇచ్చిన వాంగ్మూలం మేరకు ఈడీ అధికారులు కవితకు నోటీసులు ఇచ్చారు. ఈ నెల 8వ తేదీన కవితకు ఈడీ అధికారులు నోటీసులు జారీ చేశారు.ఈ నెల 9వ తేదీన విచారణకు రావాలని కోరారు. అయితే ముందుగా ప్లాన్ చేసుకున్న కార్యక్రమాలు ఉన్నందున విచారణకు రాలేనని కవిత ఈడీకి లేఖ రాశారు.
ఈ నెల 11న ఈడీ విచారణకు కవిత హాజరయ్యారు. ఈ నెల 16న విచారణకు రావాలని కవితకు ఈడీ అధికారులు నోటీసులు పంపారు. అయితే ఈ నెల 15న ఢిల్లీకి చేరుకున్నప్పటికీ ఈ నెల 16న ఈడీ విచారణకు కవిత హాజరు కాలేదు. ఈడీ అడిగిన సమాచారాన్ని కవిత బీఆర్ఎస్ ప్రధాన కార్యదర్శి సోమా భరత్ ద్వారా పంపారు.
ఈడీ విచారణపై తాను దాఖలు చేసిన పిటిషన్ ను సుప్రీంకోర్టు ఈనెల 24న విచారించనున్నందున అప్పటివరకు విచారణకు రాలేనని కవిత ఈడీకి భరత్ ద్వారా లేఖ పంపారు. కానీ ఈ నెల 20న విచారణకు రావాలని కవితకు ఈడీ అధికారులు నోటీసులు జారీ చేయడంతో విచారణకు కవిత హాజరు కావాల్సిన అనివార్య పరిస్థితులు నెలకొన్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
