హైదరాబాద్: ఓ ప్రైవేట్ బ్యాంకులో డిప్యూటీ మేనేజర్ గా పనిచేస్తున్న చిత్తలూరి శ్రవణ్ కుమార్ ఆత్మహత్యాయత్నానికి ప్రయత్నించాడు. శ్రవణ్ కుమార్ భార్య అతడిని వెంటనే ఆసుపత్రిలో చేర్పించింది. 

తన భార్యకు రెండో పెళ్లి చేయాలని శ్రవణ్ సూసైడ్ నోట్ లో రాశాడు. ఈ మేరకు తండ్రిని ఉద్దేశించి రాసిన లేఖను పోలీసులు స్వాధీనం చేసుకొన్నారు.  ప్రస్తుతం అతడి పరిస్థితి విషమంగా ఉన్నట్టుగా వైద్యులు చెప్పారు. 

also read:అమీనాపూర్‌ ఘటనపై ఎస్పీ: బోయ్‌ప్రెండ్‌తో సినిమాకు, రేప్ నాటకం

ఏడాది క్రితం సూర్యాపేటకు చెందిన యువతితో శ్రవణ్ కుమార్ కు వివాహమైంది. జూబ్లీహిల్స్ లో ఓ ఇల్లు అద్దెకు తీసుకొని భార్యతో కలిసి  నివాసం  ఉండేవాడు. హెచ్‌డిఎఫ్‌సీలో డిప్యూటీ మేనేజర్ గా పనిచేస్తున్నాడు.  ఆర్ధిక సమస్యల కారణంగా  శ్రవణ్ కుమార్ కుంగిపోయాడు. 

ఆర్థిక ఇబ్బందులతో తీవ్రంగా కుంగిపోయిన శ్రవణ్‌కుమార్  శనివారం నాడు పురుగుల మందు  తాగాడు. ఈ విషయాన్ని గమనించిన భార్య అతడిని వెంటనే ఓ ప్రైవేట్ ఆసుపత్రిలో చేర్పించింది. 

శ్రవణ్ ఆరోగ్య పరిస్థితి విషమంగా ఉందని వైద్యులు చెబుతున్నారు. నాన్నా అప్పులు వసూలు చేసుకొని ప్రశాంతంగా ఉండండి.. నా భార్యకు రెండో వివాహం చేయాలని ఆ సూసైడ్ నోట్ లో కోరారు.

తన బాకీ డబ్బులు  వసూలు చేసి పెట్టడంతో తన తండ్రికి ఎవరైనా సహకరించాలని శ్రవణ్ కుమార్ ఆ లేఖలో కోరారు. తన బాకీ డబ్బులతోనే అంత్యక్రియలు చేయాలని శ్రవణ్ ఆ లేఖలో కోరాడు.తన చావుకు ఎవరూ కారణం కాదని ఆ లేఖలో పేర్కొన్నాడు.పోలీసులు కేసు నమోదు చేసుకొని దర్యాప్తు చేస్తున్నారు.