Oppo Reno 7 5G: ఒప్పో నుంచి రెండు 7 సిరీస్ ఫోన్లు.. లీకైన ఫీచ‌ర్లు..!
ప్రముఖ స్మార్ట్ఫోన్(Smartphone) తయారీ సంస్థ ఒప్పో (Oppo) నుంచి త్వరలోనే ఒప్పో రెనో 7 (Oppo Reno 7) కొత్త సిరీస్ ఫోన్లు మార్కెట్లోకి రానున్నాయి. తాజాగా వీటి లాంచింగ్ను ఆ సంస్థ అధికారికంగా ధ్రువీకరించింది.
 )
Followప్రముఖ స్మార్ట్ఫోన్(Smartphone) తయారీ సంస్థ ఒప్పో (Oppo) నుంచి త్వరలోనే ఒప్పో రెనో 7 (Oppo Reno 7) కొత్త సిరీస్ ఫోన్లు మార్కెట్లోకి రానున్నాయి. తాజాగా వీటి లాంచింగ్ను ఆ సంస్థ అధికారికంగా ధ్రువీకరించింది. ఒప్పో తన అధికారిక వెబ్‌సైట్‌లో (Website) ఒప్పో రెనో 7 సిరీస్‌ను టీజ్ చేసింది. అయితే ఈ సిరీస్ లాంచింగ్ తేదీ గురించి కంపెనీ ఇంకా ఎటువంటి సమాచారం ఇవ్వలేదు. ఈ సిరీస్ కింద ఒప్పో రెనో 7 5జీ (Oppo Reno 7 Five G), ఒప్పో రెనో 7SE 5G, ఒప్పో రెనో 7 ప్రో 5G స్మార్ట్ఫోన్లు భారత మార్కెట్లోకి రానున్నాయి. ఇప్పటికే ఇవి చైనా మార్కెట్లోకి లాంచ్ అయ్యాయి. కొన్ని ప్రత్యేక ఎడిషన్ హ్యాండ్‌సెట్‌లతో పాటు ఒప్పో సంస్థ వీటిని గతేడాది చైనాలో ఆవిష్కరించింది. అక్కడ మంచి స్పందన రావడంతో అతి పెద్ద మొబైల్ మార్కెట్గా ఉన్న భారత్లో లాంచ్ చేసేందుకు ఒప్పో సిద్దమవుతోంది. అయితే, భారత్లో ఖచ్చితమైన లాంచింగ్ డేట్, ధర, స్పెసిఫికేషన్ల వివరాలపై మాత్రం ఇంకా స్పష్టత ఇవ్వలేదు.
గత నెలలో ఒప్పో రెనో 7 సిరీస్ ధర ఆన్లైన్లో లీకైంది. దీన్ని బట్టి చూస్తే.. ఒప్పో రెనో 7 5జీ ఫోన్ ధర రూ. 28 వేల నుంచి రూ. 31 వేల వరకు ఉండనుంది. అలాగే, ఒప్పో రెనో 7 ప్రో 5జీ ఫోన్ రూ. 41 వేల నుంచి రూ. 43 వేల వరకు ఉండనుంది. ఈ ఫోన్లు తొలుత ఫ్లిప్కార్ట్ ద్వారా అమ్మకానికి రానున్నాయి. చైనాలో ఇప్పటికే ఒప్పో రెనో 7 5G స్మార్ట్ఫోన్లు విడుదలయ్యాయి. ఇవే ఫీచర్లతో భారత్లోనూ వీటిని విడుదల చేసేందుకు కంపెనీ సిద్దమవుతోంది. ఒప్పో రెనో 7 5జీ ఫోన్ క్వాల్కామ్ స్నాప్‌డ్రాగన్ 778G SoC ప్రాసెసర్తో పనిచేస్తుంది. మరోవైపు, ఒప్పో రెనో 7ప్రో మోడల్‌ మీడియా టెక్ డైమెన్సిటీ 1200- మాక్స్ SoC ప్రాసెసర్ ఉండనుంది.
ఒప్పో రెనో 7 5జీ స్మార్ట్ఫోన్ ప్రపంచంలోనే మొట్టమొదటి సోనీ IMX709 అల్ట్రా-సెన్సింగ్ సెన్సార్ కెమెరాతో వస్తుంది. ఈ కెమెరా 32-మెగాపిక్సెల్ రిజల్యూషన్ కలిగి ఉంటుంది. ఇక దీనిలో 1/1.56 అంగుళాల ఫ్లాగ్‌షిప్ సోనీ IMX766 సెన్సార్ కెమెరాను కూడా అందించనుంది. ఇది 50-మెగాపిక్సెల్ రిజల్యూషన్తో వస్తుంది. ఈ సెన్సార్లు ఒప్పో రెనో 7 ప్రోలో కూడా అందించనుంది. చైనాలో ఒప్పో రెనో 7 సిరీస్ లాంచ్ సందర్భంగా, కంపెనీ ఒప్పో రెనో 7 5G న్యూ ఇయర్ ఎడిషన్‌ను కూడా లాంచ్ చేసింది. దీనితో పాటు ఒప్పో రెనో 7 ప్రో లీగ్ ఆఫ్ లెజెండ్స్ ఎడిషన్‌ను కూడా ఆవిష్కరించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
